16:09 26 Жетинин айы 2020
Түз эфир
  • USD84.8000
  • EUR100.9883
  • RUB1.1236
Коом
Кыскача шилтеме алуу
Шайлоо-2020 (253)
59 0 0

Борбордук шайлоо комиссиясынын өкүлү өлкө аймагындагы бардык 2 430 шайлоо участкаларында санитардык нормалар сакталганын белгиледи.

БИШКЕК, 4-окт. — Sputnik. Шайлоо участкаларындагы добуш берүү процесси кыргызстандыктарга ыңгайсыздык жаратышы мүмкүн. Бул тууралуу брифингде БШКнын башчысынын орун басары Абдыжапар Бекматов билдирди.

Ал белгилегендей, республика боюнча 2 430 шайлоо участкасы ачылган, анын 45и чет өлкөлөрдө иштеп жатат.

Бекматов бардык шайлоо участкаларында санитардык эрежелер сакталат деп ишендирип, антисептиктер коюлуп, жарандарга бет кап жана кол кап берилгенин билдирди. Анын айтымында, партиялар үгүт иштеринде шайлоочулар менен мурдагыдай жолугушууларды өткөрө алышкан жок. Көптөгөн иш-чаралар онлайн форматында болду.

"Биз жарандарды санитардык эрежелерди сактоого чакырабыз. Добуш берүү убагында ыңгайсыздыктар болушу ыктымал, бирок БШК мүчөлөрү, тартылган тараптар шайлоо процесси мүмкүн болушунча ыңгайлуу өтүшүн камсыздоо үчүн иштеп жатышат. Учурдагы кырдаалга түшүнүү менен мамиле кылууну өтүнөбүз", — деди Бекматов.

Саламаттык сактоо министринин орун басары Нурболот Үсөнбаев шайлоо участкаларына жалпысынан 5 728 медицина кызматкери тартылганын билдирди. Алар шайлоочулардын ден соолугунун абалын текшеришет.

Канча кыргызстандык жаран шайлоо участкаларынан сырткары добуш берди

Бүгүн, 4-октябрда, Кыргызстанда Жогорку Кеңештин VII чакырылыштагы депутаттарын шайлоо өтүп жатат. Парламенттеги 120 депутаттык мандат үчүн 16 саясий партия ат салышууда. Ушу тапта өлкө аймагында өтүп жаткан шайлоодогу бардык окуялар тууралуу Sputnik Кыргызстан агенттигинин тексттик трансляциясынан окуңуз.

Тема:
Шайлоо-2020 (253)

Тема боюнча

Премьер-министр Кубатбек Боронов добуш берди. Сүрөттөр
Белгилер:
добуш берүү, Жогорку Кеңеш, шайлоо, Абдыжапар Бекматов

ЭҢ МААНИЛҮҮ