22:33 06 Баш оона 2020
Түз эфир
  • USD76.9205
  • EUR91.0969
  • RUB1.0531
Коом
Кыскача шилтеме алуу
2561 0 0

Жыл сайын кыргызстандык бүтүрүүчүлөр Жалпы республикалык тест тапшырат. Андан алтын сертификат алгандар үчүн өлкө университеттеринин эшиги ачык. 2020-жылдын эң мыкты бүтүрүүчүлөрү кайсы окуу жайларды тандаганын биздин материалдан билсеңиз болот.

БИШКЕК, 1-авг. — Sputnik. Быйыл Жалпы республикалык тесттен өтүү үчүн 42 миң абитуриент катталган. Анын 67си гана алтын сертифкатка ээ болуп, Кыргызстандын каалаган университетине өтүүгө мүмкүнчүлүк алды.

Коронавирус сертификаттарды салтанаттуу тапшырууга жолтоо боло алган жок. Июлда өткөн иш-чарада президент Сооронбай Жээнбеков өзгөчөлөнө алган бүтүрүүчүлөрдү куттуктап, белектерди тапшырган.

Sputnik кабарчысы тесттин жыйынтыгы менен алдыңкы ондукка кирген кыз-жигиттер менен байланышып, кайсы окуу жайды тандап алганын билип көрдү.

Президент КР Сооронбай Жээнбеков во время вручения Золотого сертификата набравшей самый высокий балл на Общереспубликанском тестировании (ОРТ) Акмарал Нурбек кызы
© Пресс-служба президента КР / Султан Досалиев
Жалпы республикалык тестирлөөдөн эң жогорку балл алган Акмарал Нурбек кызы (229)

Жалпы республикалык тестирлөөдөн эң жогорку балл алган Акмарал Нурбек кызы (229) Бишкектеги "Ала-Тоо" эл аралык университетине тапшырды. Ал аталган окуу жайдын жаңы технологиялар факультетин тандап, келечекте IT адиси болууга максат койгон.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Талас облусундагы "Манас Ата-Себат" лицейин аяктаган Нуртилек Тобокелов Жалпы республикалык тестирлөөдөн 228 балл алган

Талас облусундагы "Манас Ата-Себат" лицейин аяктаган Нуртилек Тобокелов Жалпы республикалык тестирлөөдөн 228 балл алган. Бүтүрүүчү Борбор Азиядагы Америка университетинин программалык инженерия факультетин тандап алган. Анын ою боюнча, келечекте технология тармагы мындан да өнүгөт. Кийин ал Кыргызстандын IT-секторун өнүктүрүүгө салым кошкусу келерин айтты.

Намыс Идырысов дагы 228 балл топтогон. Ал Ысык-Көл районундагы Эркин Керимгазиев атындагы орто мектепти аяктаган. Жогорку окуу жайлардын арасынан ал "Ала-Тоо" эл аралык университетин, анын ичинде информатика жана эсептөөчү техника факультетин тандаган. Намыстын айтымында, бул кесип кийин акы көп төлөнгөн жумуш табууга түрткү болот жана суроо-талап жогору болгон адистик.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Баткен облусунун Кадамжай районундагы Кадамжай лицейин бүтүргөн Чолпон Абдисуханова (228 балл)

Ушундай эле адистикти Баткен облусунун Кадамжай районундагы Кадамжай лицейин бүтүргөн Чолпон Абдисуханова да тандап алган. Ал да ЖРТдан 228 балл алган. Бүтүрүүчү маалымат технологиясына 10-класстан тарта эле кызыга баштаганын айтып, кесип тандоодо көп кыйналып, ойлонбогонун кошумчалады.

Тимур Сулайманов борбор калаадагы "Газпром Кыргызстан" мектебин бүтүрүп, ЖРТдан 227 упай топтоду. Ал тандаган университети менен адистигин ачыкка чыгарбай эле коюуну туура көрдү.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Ош облусунун Ноокат районундагы А.Парпиев атындагы мектеп-гимназиясынын бүтүрүүчүсү Айзат Топчубаева (226 балл)

Ош облусунун Ноокат районундагы А.Парпиев атындагы мектеп-гимназиясынын бүтүрүүчүсү Айзат Топчубаева (226 балл) бала кезинен бери дарыгер болууну кыялданган. Максатына жетүү үчүн Кыргыз мамлекеттик медициналык академиясынын (КММА) дарылоо иши факультетине тапшырды.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Бишкектеги №12 мектептин бүтүрүүчүсү Наен Пягай (226 балл)

Бишкектеги №12 мектептин бүтүрүүчүсү Наен Пягай (226 балл) Борбор Азиядагы Америка университетинин психология факультетинин студенти болот. Ал аталган адистиктин келечеги кең экендигин белгиледи.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Бишкектеги Александр Пушкин атындагы № 17 мектеп-гимназиянын бүтүүрүчүсү Асият Рахматова ЖРТдан 225 балл алган

Бишкектеги Александр Пушкин атындагы №17 мектеп-гимназиянын бүтүрүүчүсү Асият Рахматова ЖРТдан 225 балл алган. Сандарды, техниканы жакшы билгендиктен Борбор Азиядагы Америка университетинин программалык инженерия факультетин тандаган.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Ошол эле университеттин ушундай эле багыттагы факультетинде 225 балл ээ болгон Нурлан Сапармурат да окумай болду

Ошол эле университеттин ушундай эле багыттагы факультетинде 225 упайга ээ болгон Нурлан Сапармурат да окумай болду. Аламүдүн районундагы окуу-тарбия комплексинин бүтүрүүчүсү бала кезинен информатика боюнча олимпиадаларга катышып келген. Жигиттин айтымында, тандап алган кесиби өлкөнүн өнүгүүсүнө салым кошууга жардам берет.

Выпускники школ получившие Золотые сертификаты в 2020 году
© Пресс-служба президента КР / Султан Досалиев
Бишкектеги "Давха" мектеп-комплексинин бүтүрүүчүсү Фатима Журабоева (225 балл)

Бишкектеги "Давха" мектеп-комплексинин бүтүрүүчүсү Фатима Журабоева (225 упай) да техникалык кесиптерге ыктап келет. Ал  "Ала-Тоо" эл аралык университетинин прикладдык математика жана информатика багыты боюнча информатика жана инженерия факультетин тандап алды.

Тема боюнча

Өлкөнү силерге өткөрөбүз! Президент бүтүрүүчүлөргө алтын сертификат тапшырды
Ош облусунун башчысы мыкты окуучуларга ноутбук, смартфон белек кылды
Белгилер:
информатика, Технологиялар, Университет, бүтүрүүчү, сертификат, окуу жай, ЖРТ

ЭҢ МААНИЛҮҮ