Окумуштуулар дайыма жөө жүргөн адамдын өмүрү узак болорун далилдешти

© Sputnik / Сергей Мамонтов / Медиабанкка өтүүАялдар паркта басып жүрүшөт. Архив
Аялдар паркта басып жүрүшөт. Архив - Sputnik Кыргызстан
Жазылуу
Сейилдегенди жакшы көргөндөр транспорт менен жүргөндөргө салыштырмалуу көп жашайт. Бул анын күнүнө канча басканынан да көз каранды.

БИШКЕК, 28-июл. — Sputnik. Көп жөө баскан адам узагыраак жашап, алар инфаркт жана инсультка аз чалдыгарын окумуштуулардын маалыматына таянып РИА Новости жазып чыкты.

Маалыматка ылайык, сейилдегенди жакшы көргөндөр дайыма транспорт менен жүргөндөргө салыштырмалуу көп жашайт. Албетте бул адамдын күнүнө канча басканынан да көз каранды.

Белдин ичкелиги, кан басым... Ден соолуктун бекемдигинен кабар берчү белгилер

2017-жылы Глазго университетинин окумуштуулары (Улуу Британия) 200 миң адамды беш жыл байкоого алган соң жумушуна жөө же велосипед менен барган адамдар улгайган куракка чейин өмүр сүрүшөрүн аныкташкан.

Ушул аралыкта изилдөөгө катышкандардын 2,5 миңи каза болуп, үч миң адамдан рак илдети аныкталып, дагы 1 200 катышуучу жүрөк кемтигине чалдыкканы билинген. Бирок бул көрсөткүч велосипед менен жөө жүргөндөрдүн арасында төмөн болгон. Өзгөчө инфаркт менен инсультка кабылгандар жокко эсе болгон.

Ал эми АКШнын Түштүк Каролинадагы Медицина университетинин кызматкерлери 135 миң адамдын катышуусунда жөө басуунун ылдамдыгы жана ага кеткен убакыт тууралуу изилдөө жасашкан.

Окумуштуулар COVID жукканда эмнеге адам жыт сезбей каларын аныкташты

Он жылга созулган бул изилдөөдө жумасына 150 мүнөттөн аз баскандар эрте каза болуп калганы байкалган. Булардын арасында өпкө жана жүрөк-кан тамыр ооруларына чалдыккандар көп болгон.

Австралиялык, британиялык жана ирландиялык окумуштуулардын пикири боюнча, дайыма жөө басуу гана эмес, анын ылдамдыгы да мааниге ээ. Бат басканды жактыргандардын арасынан каза болгондор, өзгөчө жүрөк-кан тамыр ооруларынан көз жумгандар орточо эсеп менен алганда 20 пайызга аз катталган.

Жаңылыктар түрмөгү
0