БИШКЕК, 28-июн. — Sputnik. Эртең күндүз республикада аба ырайы бузулбайт. Бул тууралуу Кыргызгидромет маалымдады.
Абанын температурасы Чүйдө +23...+28, Талас аймагында +22...+27, Ош, Жалал-Абад, Баткен облустарында +26...+31, Ысык-Көлдө +18...+23, Нарын жергесинде +17...+22 градус болору айтылды.
Күндүн табы борборубуз Бишкекте +26...+28, Ошто +28...+30 градуска көтөрүлөт.
29-июнда түнкүсүн Чүй облусунун тоолуу райондорунда өткүн өтүп, күн күркүрөшү, бийик тоолуу райондорго кар түшүшү күтүлөт. Калган аймактарда жамгыр жаабайт.
