Үй-бүлөдөгү сырды балага канча жашына чейин айтуу керек. Адистин кеңеши

© REUTERS / Sebastian CastanedaБала медициналык бет капчан. Архив
Бала медициналык бет капчан. Архив - Sputnik Кыргызстан
Жазылуу
Психологдун айтымында, кандай гана сыр же баланын жашоосун өзгөртө турган жаңылык болбосун, ата-эне эмоцияга алдырбай жай отуруп түшүндүрүп, баланын бардык суроолоруна жооп берүүгө аракет кылышы керек.

БИШКЕК, 27-июн. — Sputnik. Үй-бүлөлүк сырларды балага 12 жашына чейин айтуу туура, анткени бул ойноок курак болуп эсептелгендиктен көп нерсе жеңил кабыл алынат. Мындай пикирин РИА Новости агенттигине балдар психологу Елена Чепцова билдирди.

"Көпчүлүк үй-бүлөлөрдө качандыр бир кезде узак же кыска мөөнөткө созулган сыр пайда болушу мүмкүн. Мисалы, баланы багып алган учур же анын биологиялык атасы же энеси башка адам болгон учурлар болот. Кээ бирде ата-эне ажырашып жатканын балдарга кантип угузарын билбей кыйналышат", — деди Чепцова.

Анын айтымында, кандай гана сыр же баланын жашоосун өзгөртө турган жаңылык болбосун, ата-эне эмоцияга алдырбай жай отуруп түшүндүрүп, баланын бардык суроолоруна жооп берүүгө аракет кылышы керек.

Баланы үй оокаттарына кантип үйрөтүү керек. Адистин кеңеши

"Айрым ата-энелер бири-бирине жини келип турган учурда анысын балдардан чыгарып ар кайсы нерселерди айтып салышат. Мисалы, бала көбүнесе ата-энесинин ажырашарын ыйлап, кыйкырып жаткан апасынан угат. Бул учурда атасы тууралуу жаман сөздөр көп айтылат. Мындайда өмүр бою баланын жүрөгүндө негатив калып калышы ыктымал", — деди адис.

Ошондой эле психолог бала үй-бүлөсүндө көп жылдар мурда болуп, бирок айтылбай калган окуяларды дагы билүүгө укуктуу экенин айтат. Мисалы, чоң атасынын соттолуп чыккандыгы же ата-энесинин мурда чарчап калган балдары тууралуу биле жүргөнү жакшы экенин эскертет.

Жаңылыктар түрмөгү
0