Белгилүү режиссёр Камат Касенов 43 жашында көз жумду

© Sputnik / Асель АкматалиеваБелгилүү режиссёр Камат Касенов. Архив
Белгилүү режиссёр Камат Касенов. Архив - Sputnik Кыргызстан
Жазылуу
Режиссёр 2013-жылдан тартып өмүрүнүн акырына чейин Казакстандын Тараз шаарындагы орус драма театрында көркөм жетекчи болуп иштеп жүргөн.

БИШКЕК, 17-июн. — Sputnik. Кечээ, 16-июнь күнү, белгилүү режиссёр Камат Касенов 43 жаш курагында көз жумду. Бул тууралуу Маданият, маалымат жана туризм министрлигинен билдиришти.

Актер театра и кино Марат Жантелиев  - Sputnik Кыргызстан
"Бопуш" атка конгон белгилүү актёр Марат Жантелиев көз жумду
Касенов 1977-жылы 19-мартта Чүй облусунун Жайыл районуна караштуу Тельман айылында туулган. Орто мектепти аяктагандан кийин 1997-жылы  Токтоболот Абдумомунов атындагы Кыргыз улуттук академиялык драма театрынын алдындагы театралдык окуу жайга кирип, аны 2000-жылы аяктаган. 2005-2007-жылдары Ташкент шаарындагы "Илхом" Борбордук Азиянын жаш режиссёрлор лабораториясында Марк Вайлдын өнөрканасында билимин тереңдеткен.

2007-2013-жылдары Бакен Кыдыкеева атындагы жаштар театрында башкы режиссёр жана Ибраимов атындагы Ош улуттук кыргыз драма театрынын көркөм жетекчиси болуп эмгектенген. 2013-жылдан тартып өмүрүнүн акырына чейин Казакстандын Тараз шаарындагы орус драма театрында көркөм жетекчи катары кызмат өтөп келди. Ошол эле жылдар арасында Тараз акимиатынын аппаратында чыгармачылык тармакты жетектеген.

"Чыгармачылык жолунда Борбор Азия боюнча 40тан ашуун ар түркүн жанрдагы чыгармаларды сахналаштырып, коомго жана инсанга карата болгон орчундуу маселелер, курч көйгөйлөргө байланышкан ар тараптуу окуяларды кылдат изилдеген. Каармандардын түпкү тамырын ачуу үчүн өтө изденип, чыгармалардын идеялык маңызын интерпретациялап, ача билген талант эле", — деп айтылат министрликтин билдирүүсүндө.

Режиссёр Чыңгыз Айтматовдун "Кызыл алма", "Деңиз бойлоп жорткон ала дөбөт", "Биринчи мугалим", "Жамийла", Мар Байжиевдин "Экөө", "Ким күнөөлүү", Султан Раевдин "Таажы", "Барсбек", "Адам", Жума Куддустун "Падышанын оюну" Уильям Шекспирдин "Гамлет" сыяктуу көптөгөн чыгармаларын сахналаштырып, алгылыктуу ийгиликтерге жетишкен.

Жаңылыктар түрмөгү
0