20:46 09 Теке 2020
Түз эфир
  • USD77.7979
  • EUR88.1334
  • RUB1.0976
Коом
Кыскача шилтеме алуу
Коронавируска байланыштуу Кыргызстандагы кырдаал (1819)
100 0 0

Эгерде Бишкек шаарынын жашоочусу коронавирус боюнча өзүнөн шектенип жатса, 118 номерине чалышы керек.

БИШКЕК, 2-июн. — Sputnik. Бишкек мэриясы мобилдик бригадалар борбордогу бир нече конуштарды кыдырып чыкканын кабарлады.

Бригадалардын курамы медицина кызматкерлеринен, квартал жана үй комитеттеринин жетекчилеринен турат.

Өткөн жекшембиде алар Арча-Бешик, Ак-Өргө, Ак-Ордо, Көк-Жар, Кара-Жыгач, Рухий-Мурас, Алтын-Ордо,  Ак Босого, Көлмө, Калыс-Ордо,  Алтын-Казык, Учкун, Бакай-Ата, Эне-Сай, Дордой, Ак-Бата жана Ак-Тилек конуштарын кыдырып чыккан.

"Бул иштер алгоритм менен жүргүзүлөт. Үйгө эч кимиси кирбейт, абалын, өзүн кандай сезип жаткандыгын сурашат. Андан сырткары кайсы бир жери ооруп жаткан болсо, атайын тизме түзүлөт", — деп айтылат маалыматта.

Мэриядан коронавирус боюнча өзүнөн шектенип кайрылган учурлар бар экендигин айтышты. Адамдар өзүн-өзү дарылаган фактылар кездешкен.

Шаар бийлиги мындай учурда 118 номерине чалууну жана ал 8:00дөн 19:00гө чейин иштээрин маалымдады. Эгерде эт ысып, жөтөлүп, демигип же коронавирус жуктурган адам менен байланышып калса да кабарлоо керек.

"Ал жерге медиктерден турган ыкчам бригада барып, ПЦР-анализ үчүн мазок алып кетет. Буга эч кандай акча төлөнбөйт, баары бекер", — деп билдиришти мэриядан.

Кыргызстан боюнча коронавирус жуктуруп алгандардын саны 1845ке жетип, анын ичинен 1219 бейтап айыкты. Тилекке каршы, коронавирус 17 адамдын өмүрүн алган.

Тема:
Коронавируска байланыштуу Кыргызстандагы кырдаал (1819)

Тема боюнча

Кыргызстанда бир суткада 38 бейтап айыкты. Жалпы саны 1219 болду
Айтканды укпай. Россиядан "Жүк-200" коштоп келген адам 31 кишиге жолуккан
Белгилер:
текшерүү, коронавирус, Бишкек, Кыргызстан

ЭҢ МААНИЛҮҮ