Кыргыз-тажик чырында жарадар болгон чек арачыны Москвага алып кетишти

© Sputnik / Александр Вильф / Медиабанкка өтүүМосква шаары. Архив
Москва шаары. Архив - Sputnik Кыргызстан
Жазылуу
Буга чейин кыргызстандык дарыгерлер россиялык кесиптештери менен жарадар болгон чек арачынын абалы жана аны дарылоо боюнча бир нече жолу онлайн-консилиум өткөргөн.

БИШКЕК, 2-июн. — Sputnik. 8-майда кыргыз-тажик чек арасында жарадар болгон Мамлекеттик чек ара кызматынын жоокерин дарылоо үчүн Москвага алып кетишти. Бул тууралуу Sputnik Кыргызстан кабарчысына саламаттык сактоо министринин орун басары Мадамин Каратаев билдирди.

Анын айтымында, чек арачынын абалы оор деп бааланууда.

"Бир нече күн мурда Кыргызстанга Москвадан дарыгерлер тобу келген. Жарадар болгон чек арачыны Россиянын борборундагы аскер госпиталына алып кетишти. Ал жактан дарылоо улантылат. Жоокердин абалы оор деп бааланууда", — деди Каратаев.

Саламаттык сактоо министрлигинин медициналык жардам уюштуруу жана дары саясаты башкармалыгынын өкүлү Кубанычбек Калмаматов буга чейин кыргызстандык дарыгерлер россиялык кесиптештери менен жарадар чек арачынын абалы жана аны дарылоо боюнча бир нече жолу онлайн-консилиум өткөргөнүн билдирген.

Баткендеги окуя

8-майда кечке жуук Кыргызстан менен Тажикстандын чектешкен аймагындагы жергиликтүү жашоочулар Баткен районунун Чек айылында 50 сотых жерди талашып, жаңжалдаша кетишкен.

Официальный визит президента КР Сооронбая Жээнбекова в Узбекистан - Sputnik Кыргызстан
Жээнбеков менен Мирзиёев чек ара көйгөйүн талкуулашты
Анда тургундар бири-бирине таш ыргытып, мергенчилик куралдан ок чыгарышкан. Эки өлкөнүн чек ара кезметтери эскертүү иретинде асманга ок атып, элди тынчтандырышкан. Бирок ошол эле учурда Тажикстандын УКМКсынын чек ара аскерлери күтүүсүздөн кыргыз чек арачыларын жана Кыргызстандын жарандарын көздөй гранатометтон ок чыгарган.

Анын кесепетинен кыргызстандык үч чек арачы, бир жай тургун жаракат алган.

Кийин жарадар болгон үч аскердин экөө айыгып, үйлөрүнө чыгарылган.

Окуя боюнча эки өлкөнүн ТИМ башчылары, вице-премьерлери, облустагы өкүлдөрү, Чек ара кызматтары сүйлөшүп, бир пикирге келишкен.

Кырдаалга байланыштуу Кыргызстандын тышкы иштер министри тажик тарапка нааразычылык нотасын да тапшырган.

Жаңылыктар түрмөгү
0