Штаб: шаар, аймактардын кире беришиндеги посттор көзөмөлдү кайра күчөтөт

© Sputnik / Табылды КадырбековВременные ограничения на въезд в Бишкек из-за коронавируса
Временные ограничения на въезд в Бишкек из-за коронавируса - Sputnik Кыргызстан
Жазылуу
Бишкектин мэри Азиз Суракматов коомдук жайларда оору жугузуп алгандар көп катталып жаткандыктан, аймактардан борборго келүү кооптуу болуп жатканын айтты.

БИШКЕК, 30-май — Sputnik. Санитардык-карантиндик посттор шаар жана облустардын кире беришиндеги текшерүүнү күчөтөт. Бул тууралуу Республикалык штабдын маалымат кызматы кабарлады.

Маалыматка ылайык, штабдын жыйынында биринчи вице-премьер Кубатбек Боронов Бишкек, Ош шаарларына өзгөчө көңүл буруу керектигин белгилеген.

"Санитардык-карантиндик посттордогу көзөмөлдү күчөтүү зарыл. Айрыкча басымды Бишкек менен Ош шаарларына жасоо керек. Посттордо тепловизор менен температураны өлчөө жетиштүү деңгээлде жүргүзүлбөй жаткандыгы тууралуу сын айтылууда", — деди Боронов.

Бишкектин мэри Азиз Суракматов коомдук жайларда оору жугузуп алгандар көп катталып жаткандыктан, аймактардан борборго келүү кооптуу болуп жатканын айтты. Ошондой эле өтө зарыл иши жокторго шаарга келбей эле коё турууну өтүндү.

Жыйында тиешелүү мамлекеттик жана бийлик органдарына июндан тарта уруксат берилген экономикалык ишмердүүлүктөрдү жумуш башталардан мурда текшерип чыгуу тапшырмасы берилди.

"Бала бакчалардын иштеп башташы чоң кооптуулукту жаратууда. Бирок биз иштеген жарандарга шарт түзүү үчүн ушундай чараларга барууга аргасызбыз. Аталган мекемелерде коопсуздук толугу менен камсыздалышын өтүнөм. Аэропорттор ички авиакаттамдарды жандантууга даяр болушу кажет", — деди Боронов.

Коронавирустун кесепети

Госпиталь COVID-19 в ГКБ №15 имени О. М. Филатова - Sputnik Кыргызстан
Министрлик: айрымдар коронавируска ишенбей, өлкөдө абал курчуп жатат
Кыргызстанда коронавирус жуктуруп алгандардын жалпы саны 1722ге жетти. Анын ичинен 1113ү айыгып, 16сы каза болду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0