БИШКЕК, 26-май – Sputnik. Коронавирус жуктуруп алгандардын арасында өткөн суткада 23 киши сакайып чыкты. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.
“Бишкек шаарында – 20, Нарын облусунда – 1, Жалал-Абад облусунда 2 бейтап вирустан арылып, жакшы болуп кетти”, — деди Үсөнбаев.
Республика боюнча жалпы 1015 бейтап айыгып, ооруканадан чыгарылды.
Өлкөдөгү абал тууралуу Sputnik Кыргызстан тексттик баяндама жүргүзүүдө.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.