11:00 04 Кулжа 2020
Түз эфир
  • USD73.4726
  • EUR82.3665
  • RUB1.0751
Коом
Кыскача шилтеме алуу
Орозо — 2020 (21)
439 0 0

Быйыл Рамазан айы 23-майда соңуна чыгып, Орозо айт 24-майда белгиленет. Муфтияттын маалыматына ылайык, акыркы айда дүйнөдөгү абалга байланыштуу мусулмандар бул майрамды үй шартында белгилеши зарыл.

Sputnik Кыргызстан маалымат агенттиги диний аалымдар менен биргеликте ал күндү кантип өткөрүү керектигин сунуштайт.

Кайрымдуулук кылгыла. Орозо айт — мусулмандардын эки чоң майрамынын бири. Бул күнү адамдар өз дараметине жараша кайрымдуулук кылып, жакын тууган, кошуналарына жана муктаждарга кол сунганы жакшы. Азыркы пандемиялык абалга байланыштуу мунун баарын аралыкты сактоо менен жасаса болот. Андан сырткары, битир-садаганы терминал, мобилдик төлөмдөр аркылуу төлөсө да болот.

Үй-бүлө менен болгула. Орозо майрамында ар бир үй-бүлө колунан келишинче дасторконун жайып, жакшы маанайда өткөрүүнү тилейт. Майрамда айрым жумуштарды башка күнгө жылдырып, үй-бүлө мүчөлөрү менен  сырдашып отургула. Анан COVID-19 вирусунун дагы  жайылып кетүү коркунучунан улам адистер, бийлик өкүлдөрү жарандарды мейманга барып, конок тосуудан оолак болууга үндөйт. Ал эми алыстагы жакындарды интернет өңдүү байланыш каражаттары менен куттуктоо, каалоо-тилектерди айтып, саламатчылыгын сурап коюуга жол берилет.

Белек берүү жүрөктөрдү жакындатат. Арыздашып, таарынышып жүргөн тууган, теңтуш же кесиптештер бири-бириңерди кечиргиле. Ошондой эле майрамдын урматына белек ыроолоп. жакшы сөз айтып, Орозо айтта кечирим сураса сообу көбүрөөк тиет. Бул дагы азыркы кырдаалды эске алуу менен жасалышы шарт.

Быйыл мечит, аянтка барууга уруксат жок. Муфтият быйылкы Айт намаз жылдагыдай көп сандагы адамдардын катышуусунда болбой, аянттарда жана мечиттерде окулбай тургандыгын билдирди. Аалымдар буга байланыштуу анын ордуна үйдө нафил намаздарды окууну сунуштайт.

Арамдан алыс... Орозо айтты аша чаап шаан-шөкөткө айлантып, спирт ичимдигин ичүүгө болбойт. Ошондой эле бирөө менен талашып-тартышып, араздашууга жана жаман сөздөрдү айтууга тыюу салынат. Маркумдарга багыштап куран окуу ашыкча болбойт.

Тема:
Орозо — 2020 (21)

Тема боюнча

Жылкыбаев: Ошто айт күнү эл чакыргандарга да, баргандарга да чара көрүлөт
Муфтият орозо маалында битир-садаганы үйдөн берүүнүн жол-жобосун айтты
Белгилер:
муфтият, майрам, орозо айт, Кыргызстан

ЭҢ МААНИЛҮҮ