03:14 30 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
124 0 0

Кыргыз-кытай чек арасында эки гана өткөрүү пункту бар. Анын бири "Эркеч-Тамда" апрель айынын орто ченинде жүк ташуу иштери кайрадан жанданган болчу.

БИШКЕК, 14-май — Sputnik. Кыргызстан Кытайдан товарларды ташып келүүнүн жол-жобосун жеңилдетүү боюнча сүйлөшүүлөрдү жүргүзүп жатат жана аларга "Торугарт" көзөмөл өткөрмө жайын ачууну сунуштады. Бул тууралуу Мамлекеттик бажы кызматынын төрагасы Алтынбек Торутаев билдирди.

Кыргыз-кытай чек арасында эки гана өткөрүү пункту бар. Алар "Эркеч-Там" жана "Торугарт". Апрель айынын орто ченинде "Эркеч-Тамда" жүк ташуу иштери кайрадан жанданган болчу

Жогорку Кеңештин бүгүнкү жыйынында депутаттардын бири "Эркеч-Тамдын" иши тууралуу сураган.

"15-апрелден бери иштеп жатат. Биз Кытай менен санитардык талаптардын жалпы алгоритмин иштеп чыкканбыз. Бул катаал эреже болгондуктан күнүнө төрт-беш гана автоунаа өтө алат. Биз алгоритмди жөнөкөйлөтүү боюнча сүйлөшүүлөрдү баштоону пландап, Кытай тарапка сунуш жөнөттүк", — деди Торутаев.

Андан кийин Торугарт өткөрүү пункту качан ачылары тууралуу суроо берилип, бул ишкерлерди тынчсыздандырган маселе экендигин белгилешкен. Бажы кызматынын башчысы "Эркеч-Тамдын" ачылышы сынамык түрдө экенин айткан. Тагыраагы, санитардык талаптардын канчалык деңгээлде аткарылгандыгын текшерүү маанилүү болгонун билдирген.

"Бир ай өттү, биз Кытайга эки тараптын санитардык талаптары толук сакталып жатат деген маалымат жөнөттүк. Коопсуздук камсыздалууда. Ошондуктан "Торугартты" ачууну сунуштадык", — деди Торутаев.

Эске салсак, январь айынын аягында Кыргызстан менен Кытайдын транспорттук байланышы токтогон.

Тема боюнча

Кытайдан дагы гуманитардык жардам келди. Сүрөт
Белгилер:
көзөмөл өткөрүү пункту, бажы, Эркечтам, Торугарт, Кытай

ЭҢ МААНИЛҮҮ