БИШКЕК, 5-май — Sputnik. Учурда коронавирус менен ооруп жаткан 8 кишинин абалы оор бойдон калууда, анын ичинен 5 киши реанимацияда жатат. Бул туурасында саламаттык сактоо министринин орун басары Нурболот Үсөнбаев маалымат жыйында билдирди.
“8 кишинин абалы оор бойдон калууда. Алардын ичинен 5 бейтап кайра жандандыруу бөлүмүндө жатат”, - деди Үсөнбаев.
Кыргызстанда коронавирустан бир киши каза таап, өткөн суткада оору жуктургандардын саны 13 адам болду.
Андан сырткары, бир медайымдын ооруга чалдыкканын айтышты.
