Бир да унаа токтотулган жок. Коменданттык саат түндө кандай өттү

© Sputnik / Табылды КадырбековПресс-тур в Центр мониторинга ГУОБДД
Пресс-тур в Центр мониторинга ГУОБДД - Sputnik Кыргызстан
Жазылуу
Жалпысынан өзгөчө абал киргизилгенден бери коменданттык саат эрежесин бузган 3 727 адам кармалып, 322 машина унаа токтотуучу жайга киргизилген.

БИШКЕК, 29-апр. — Sputnik. Кечээ кечинде жана түндө республиканын өзгөчө абал режими киргизилген шаарлары менен аймактарында коменданттык саатты 73 киши бузган. Ал эми бир да унаа атайын жайга токтотулбаганын ИИМдин маалымат кызматы билдирди.

Белгилей кетсек, өзгөчө абал режими Бишкек, Нарын, Ош жана Жалал-Абад шаарлары, Ноокат, Кара-Суу, Сузак жана Ат-Башы райондоруна киргизилген. Саат 21.00дөн эртең мененки 6.00гө чейин коменданттык саат болгондуктан, көчөдө жүрүүгө тыюу салынат.

Ош шаарында турган ИИМдин кызматкерлери иш учурунда. Архив - Sputnik Кыргызстан
ӨАнын жаңы эрежеси боюнча эмнеге уруксат берилип, кандай чектөө болот. Тизме
Түндө эреже бузгандардын 47си Бишкектен, 12си Ош шаарынан, экөө Жалал-Абаддан, төртөө Сузактан, алтоо Нарындан жана экөө Ат-Башы районунан катталган.

Тартип бузуп колго түшкөндөр ички иштер органдарынын аймактык бөлүмүнө жеткирилип, эреже, тартиптерди сактоо боюнча түшүндүрүү иштери жүргүзүлгөн. Коменданттык саат аяктаган соң үйлөрүнө коё берилген.

Жалпысынан Кыргызстанга өзгөчө абал киргизилгенден, тагыраагы, 25-марттан тарта, коменданттык саат эрежесин бузган 3727 адам кармалып, 322 автоунаа токтотуучу жайга киргизилген.

Баса, аталган аймактардын ичинен 1-майдан тарта өзгөчө абал режими Ноокат, Кара-Суу жана Сузак райондору менен Нарын шаарында токтотулат.

Жаңылыктар түрмөгү
0