22:05 01 Кулжа 2020
Түз эфир
  • USD73.4927
  • EUR81.8635
  • RUB1.0542
Коом
Кыскача шилтеме алуу
279 0 0

Аталган шаардын мэриясы менен жергиликтүү кеңештин депутаттары дистанттык окууга шарты жок үй-бүлөлөрдү тактап, аларга жардам кылышкан.

БИШКЕК, 16-апр. — Sputnik. Кадамжайда дистанттык окууга шарты жок үй-бүлөлөр телевизор менен камсыздалганын өкмөттүн Баткен облусундагы ыйгарым укуктуу өкүлүнүн маалымат кызматы билдирди.

Мэрия города Баткен оказала помощь семьям имеющим возможности обучаться дистанционно
© Фото / Пресс-служба полпредства правительства в Баткенской области
Кадамжайда дистанттык окууга шарты жок үй-бүлөлөр телевизор менен камсыздалганын өкмөттүн Баткен облусундагы ыйгарым укуктуу өкүлүнүн маалымат кызматы билдирди

Ага ылайык, Кадамжай шаардык мэриясы менен жергиликтүү кеңештин депутаттары дистанттык окууга шарты жокторду тактап, калаадагы беш үй-бүлөгө сыналгы алып беришкен.

Ошондой эле маалыматта облустун бардык мектептеринде муктаж болгондорго телевизор берилип жатканы айтылды.

Учурда жергиликтүү бийлик органдары тарабынан окуучулардын аралыктан билим алуусун үзгүлтүккө учуратпоо, жетиштүү шарт түзүү боюнча аракеттери көрүлүп жатканы кошумчаланды.

Эске салсак, Кыргызстанда мектеп окуучулары коронавирус пандемиясы жана өлкөдө жарыяланган өзгөчө кырдаал, айрым аймактардагы өзгөчө абал режимдерине байланыштуу IV чейректи үйдөн окууга аргасыз болууда.

Эгер дистанттык окутууда кандайдыр бир көйгөй жаралса, кеңеш суроо үчүн ыкчам байланыш номерлери бар. Алар: 0550-512-075, 0550-801-026, 0550-368-784, 0550-513-385, 0557-442-355 жана 8569 кыска номери.

Ал эми дистанттык окуу маалында сабактар канча мүнөткө созуларын, баа берүү, үй тапшырма аткаруунун жол-жобосун Sputnik Кыргызстан даярдаган материалдан көрсөңүз болот.

Тема боюнча

Педагог дистанттык окутууда ата-энелерге бир нече кеңеш берди
Карантинде 1-класска электрондук каттоо жүрө береби? Түшүндүрмө
Белгилер:
окуу, телевизор, жардам, Кадамжай, Баткен

ЭҢ МААНИЛҮҮ