21:36 01 Кулжа 2020
Түз эфир
  • USD73.4927
  • EUR81.8635
  • RUB1.0542
Коом
Кыскача шилтеме алуу
377 0 0

Каналдын узундугу 7,5 чакырым. Ал 300 гектар жерге сугат суу жана 330 кожолукка таза суу жеткирет. Муну жергиликтүү бийлик менен тургундар өз күчү менен курушкан.

БИШКЕК, 11-апр. — Sputnik. Баткен облусунун Кадамжай районундагы Ак-Гоорум каналынын курулушу аяктап, текшерүү үчүн суу коё берилди. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматы билдирди.

Ага ылайык, жаңы курулган каналдын узундугу 7,5 чакырым. Эми ал 300 гектар жерге сугат суу жана 330 кожолукка таза суу жеткирет.

Маалыматта былтыр жергиликтүү эл Исфайрам дарыясынан Майдан айылына таза суу жана сугат суусун тартып келүү боюнча демилге көтөргөнү айтылат. Буга чейин айыл эли Бант булагынын суусун пайдаланып келген.

Мындан улам жергиликтүү бийлик каржы булагын издеп, "Беш-Арча" тоо кен ишканасынын социалдык пакети жана "Ассалам" кайрымдуулук фондунун колдоосу менен курулуш башталган.

Каналдын курулушуна 12,8 миллион сом жумшалган. Курулушка жергиликтүү эл акысыз иштеп бергени маалымдалды. Мындан эки оор техниканын айдоочусу гана эмгек акы менен камсыз болгон.

Тема боюнча

Сарайдагы малчыларды онлайн көзөмөлдөйм. 28 жаштагы элеттик ишкер менен маек
Министр: фермерлер жеңилдетилген насыя алуу үчүн кайрылса болот
Бир басып келбеген атам эми жанымды койбой жатат. Ызаланган жигиттин каты
Белгилер:
курулуш, Суу, канал, Кадамжай, Баткен

ЭҢ МААНИЛҮҮ