06:03 25 Тогуздун айы 2020
Түз эфир
  • USD80.6300
  • EUR95.4498
  • RUB1.0544
Коом
Кыскача шилтеме алуу
Коронавируска байланыштуу Кыргызстандагы кырдаал (2324)
41010

Айылдык ден соолук комитеттеринин ыктыярчылары 23-марттан бери коронавирусту жайылтып жибербөө аракетинде бир катар иш-чараларды жүргүзүп жатышат.

БИШКЕК, 10-апр. — Sputnik. Кыргызстандын аймактарында COVID-19 вирусун алдын алуу максатында айылдык ден соолук комитеттери да өз салымдарын кошуп, элди медициналык бет кап, гигиеналык каражат жана тамак-аш менен камсыздоодо. Бул тууралуу Sputnik Кыргызстан агенттигине аталган комитеттен билдиришти.

Маалыматка ылайык, айылдык ден соолук комитеттеринин ыктыярчылары 23-марттан бери коронавирусту жайылтып жибербөө аракетинде бир катар иш-чараларды жүргүзүп жатышат.

"Ыктыярчылар учурда эӊ керектүү болгон бет каптарды тигишип, калктын аярлуу катмарына бекер таратууда. Ошондой эле гигиеналык коргоо каражаттарын беришип, көчөлөрдү дезинфекциялоого жардам кылышууда. Региондордо түзүлгөн штабдар элди коронавирусту алдын алуу боюнча маалыматтар менен камсыздоодо. Андан сырткары, калкка азык-түлүк жагынан дагы жардамдар көрсөтүлүүдө", — деп айтылат маалыматта.

Мындай жардамдар Кыргызстандын жети облусунда тең көрсөтүлүп жатканы айтылды.

Айылдык ден соолук комитеттери — ыктыярдуу бирикме. Азыркы учурда республикада 1570тен ашык АДК иштейт. Анын негизги иши ден соолукка терс таасирин тийгизүүчү факторлорду көзөмөлдөөгө жардам берүү жана айыл тургундарынын социалдык абалын жакшыртуу болуп саналат. Комитет мамлекеттик, коомдук жана эл аралык уюмдар менен кызматташат.

Тема:
Коронавируска байланыштуу Кыргызстандагы кырдаал (2324)

Тема боюнча

Күнүмдүк акчага жашагандарга бийлик кантип жардам берет? Өкмөттүн жообу
Белгилер:
тамак-аш, жардам, бет кап, ыктыярчылар, комитет, ден соолук, айыл, Кыргызстан

ЭҢ МААНИЛҮҮ