Үч күндө Бишкектин 2000ден ашык жараны азык-түлүк менен камсыз болду

© Sputnik / Николай Хижняк / Медиабанкка өтүүАзык-түлүк. Архив
Азык-түлүк. Архив - Sputnik Кыргызстан
Жазылуу
Жардамга муктаж жарандар 1227 кыска номерине чалса болот. Мындан сырткары, "Биз барбыз" Telegram каналы, "Жардам берем" мобилдик тиркемеси жана Facebook тармагындагы "Жардам штабы" группасына билдирүү калтыра алышат.

БИШКЕК, 6-апр. — Sputnik. "Жардам" штабы Бишкекте жана анын четиндеги жаңы конуштарда жашаган 2000ден ашык жаранга азык-түлүк жеткирип берди. Бул тууралуу Эмгек жана социалдык өнүктүрүү министрлигинин маалымат кызматы кабарлады.

Эске салсак, коронавирустка байланыштуу түзүлгөн кырдаалдан улам Кыргызстанда аз камсыз болгон, тамак-ашы жок калган жарандарга көмөк көрсөтүү үчүн "Жардам" штабы түзүлгөн. 

"Штабдын ыктыярчылары үч күндүн ичинде Бишкек шаарында жана калаанын жаңы конуштарында жашаган 2000ден ашык  жаранды азык-түлүк менен камсыздады. Бүгүнкү күндө Эмгек жана социалдык өнүктүрүү министрлиги ачкан атайын эсепке 4 933 962 сом түштү. Акчалай жардамды мамлекеттик жана жеке ишканалар, коомдук жана кайрымдуулук уюмдар берүүдө", — деп айтылат билдирүүдө.

Комендант Бишкека Алмаз Орозалиев - Sputnik Кыргызстан
Бишкек коменданты шарты начарларга азык-түлүктөн жардам берилерин айтты
Комиссиянын чечими менен жогоруда көрсөтүлгөн сумманын 4 750 800 сому өкмөттүн Чүй облусундагы ыйгарым укуктуу өкүлчүлүгүнө бөлүнөт. Мындан сырткары, мамлекеттик материалдык резервден 400 тонна ун берилгени кошумчаланды.

Жардамга муктаж жарандар 1227 кыска номерине чалса болот. Мындан сырткары, "Биз барбыз" Telegram каналы, "Жардам берем" мобилдик тиркемеси жана Facebook тармагындагы "Жардам штабы" группасына билдирүү калтыра алышат.

Министрлик каржы жаатында жардам берчүлөргө реквизиттерди атады.

Алуучу: Эмгек жана социалдык өнүктүрүү министрлиги

  • ИНН: 01003199710041
  • БИК: 440001
  • Э/С 4402011103034541

Банк: КР Каржы министрлигинин Борбордук казынасы

  • Төлөө коду: 14511900
  • ЭЛСОМ 0990 603030
Жаңылыктар түрмөгү
0