12:54 29 Бугу 2020
Түз эфир
  • USD73.7136
  • EUR81.0776
  • RUB1.0367
Коом
Кыскача шилтеме алуу
Коронавируска байланыштуу Кыргызстандагы кырдаал (1442)
337 0 0

Коронавирусту аныктоочу тест-системанын 84 топтому Кытайдан келсе, Түркия 350, Россия 90ду жиберери айтылды.

БИШКЕК, 5-апр. — Sputnik. Кыргызстанга тест-системаларды алып келүү иштери уланып жатат. Бул тууралуу саламаттык сактоо министри Сабыржан Абдикаримов брифинг учурунда билдирди.

Анын айтымында, бүгүнкү күндө КРде коронавирусту тез аныктай турган 60 миңдей экспресс тест-система бар. Ал эми жөнөкөй тест-система жаатында көйгөйлөр жаралууда. Бүгүнкү күндө 17,9 анализ чогултулса, тест-системанын жетишсиздигинен анын 8100ү тоңдурулуп турат.

"Мурдагы күнү өлкөгө беш тест-система топтому алып келинип, лабораторияга жөнөтүлгөн. Ар бир топтом 220 анализди аныктай алат", — деди министр.

Ал бүгүн саат экиде Кытайдан коронавирусту аныктоочу тест-системанын 84 топтому келерин, аркы жумада Түркия 350, Россия 90 тест-система топтомун жиберсе, бул маселе толугу чечиле турганын кошумчалады.

Кыргызстандагы коронавирус

Жалпысынан Кыргызстанда 147 адам коронавирус жуктуруп, анын 9у сакайды. Вируска кабылган алгачкы бейтап 2-апрелде көз жумду. Ал Ноокат районунун 61 жаштагы тургуну эле.

Ошондой эле 4-апрелде өлкө боюнча 9 дарыгер COVID-19 жуктуруп алганы кабарланды. Алардын жетөө Жалал-Абад облусунда, бирөө Бишкек, дагы бирөө Ош шаарында эмгектенет.

Ушул тапта эпидемиологиялык кырдаалдан улам Кыргызстанда өзгөчө кырдаал режими иштеп жатат. Ал эми Бишкек, Ош жана Жалал-Абад шаарларына, Ноокат, Кара-Суу жана Сузак райондорунда 15-апрелге чейин өзгөчө абал киргизилген. Экинчи режим катаалыраак болуп саналат.

Тема:
Коронавируска байланыштуу Кыргызстандагы кырдаал (1442)

Тема боюнча

Министр: "ооруган жокмун" деген бейтаптардын сөзү чындыкка дал келбейт
Кыргызстандагы коронавирус. Учурдагы абалдын тексттик баяндамасы
Белгилер:
коронавирус, Белоруссия, Түркия, Кытай, Кыргызстан

ЭҢ МААНИЛҮҮ