23:41 14 Теке 2020
Түз эфир
  • USD77.5098
  • EUR87.9814
  • RUB1.0897
Коом
Кыскача шилтеме алуу
Кыргызстандагы коронавирус жуктуруп алгандар (1109)
2079 0 0

Комендант Нурдинов умрадан келгендерди кайтарган аскерлер медициналык талап боюнча үч күнгө карантинге алынганын билдирди.

БИШКЕК, 4-апр. – Sputnik. Ноокат районундагы милиция кызматкеринин аялы умрадан келгендердин тоюна баргандыктан жубайларды обсервацияга алдык. Бул тууралуу Ош шаары менен Ноокат, Кара-Суу райондорунун коменданты Малик Нурдинов түз эфир учурунда билдирди.

Ал Ош облустук милициясынын жана ички аскер кызматынын бир нече аскерлери умрадан келгендерди кайтаргандыктан, алар да медициналык талап боюнча үч күнгө карантинге алынганын билдирди.

"Ош облусунун ички аскер кызматынын солдаттары үч күнгө карантинге алынды. Алар үчүн атайын жай даярдадык. Алар умрадан келгендер жайгашкан обсервация жайын коргогон постто болчу. Медициналык талап боюнча бул жалпы кызматка кирердин алдында милдеттүү түрдө текшерилиши керек. Булардан чыгып калат-калбайт деген маселе жок", - деди Нурдинов.

Комендант анткен менен милициянын бир кызматкери аялы экөө обсервацияга алынганын билдирди.

"Ноокат районундагы бир кызматкердин аялы умрадан келгендер берген тойго барган экен, экөөнү обсервацияга алдык. Болгону бир кызматкерде шек бар", - деди Нурдинов.

Эскерте кетсек, Кыргызстан аймагындагы эпидемиологиялык кырдаалдан улам Ош жана Жалал-Абад шаарларына, Ноокат, Кара-Суу жана Сузак райондорунда өзгөчө абал киргизилген.

Өлкөдө COVID-19 вирусу менен катталгандардын саны 144 адамга жетти. Алардын ичинен 9 дарыгердин ооруну жуктуруп алганы маалым болду.

Ушу тапта өлкө ичинде жана дүйнөдө абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Тема:
Кыргызстандагы коронавирус жуктуруп алгандар (1109)

Тема боюнча

Премьер Абылгазиев Ош менен Жалал-Абад облустарын кыдырып жүрөт
Карантин башталгандан бери Бишкекте уурулук кескин азайды
Кыргызстанда коронавирус жуктурган 144 учур катталды. Алар кайсы аймактарда?
Белгилер:
обсервация, милиция, коронавирус, Малик Нурдинов, Ноокат, Ош

ЭҢ МААНИЛҮҮ