19:14 30 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Кыргызстандагы коронавирус жуктуруп алгандар (874)
1816 0 0

Боронов жеке маалыматты жарыялаганда жарандардын конституциялык укугу бузуларын айтып, бирок абал оорлошсо ачыктоого аргасыз болорун эскертти.

БИШКЕК, 30-мар. — Sputnik. Карантин эрежесин бузгандар көп катталса, аты-жөнү коомчулукка жарыяланат. Бул тууралуу биринчи вице-премьер Кубатбек Боронов маалымат жыйын учурунда билдирди.

Журналисттер тарабынан “Россия менен Казакстанда коронавирус жуктурган адамдардын аты-жөнү, дарегинен бери жарыяланат. Эмнеге Кыргызстанда андай эмес? Бул вирустун жайылышын алдын алууга жардам бермек” деген суроо берилген.

“Учурда биздин программисттер тарабынан үй карантинине чыгарылган жарандарды геолокация аркылуу көзөмөлдөй турган программа иштелип жатат. Үй карантининде, обсервацияда же ооруканада жаткандардын аты-жөнүн чыгарууга мүмкүнчүлүгүбүз бар. Бирок андай жеке маалыматты жарыялоо менен жарандардын конституциялык укугун бузуп алышыбыз мүмкүн. Эгер кырдаал оорлошуп, жарандар коюлган талаптарды аткарбай кете берсе, аты-жөнүн жарыялоого аргасыз болобуз. Ошондо азыркы мыйзамдарга баш ийбегендерди коомчулук дагы тарбиялайт”, — деди Боронов.

Коронавирус Кыргызстанда

Кыргызстанда коронавируска кабылгандардын саны ушуну менен 94кө жетти. Алардын басымдуу бөлүгү Ош жана Жалал-Абад облустарында. Ал эми бүгүн Сузактын үч тургуну айыгып чыкканы кабарланды.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна өзгөчө абал киргизилип, кечки саат 20:00дөн кийин көчөгө чыгууга тыюу салынган. Мындай режим 15-апрелге чейин уланат.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Тема:
Кыргызстандагы коронавирус жуктуруп алгандар (874)

Тема боюнча

Боронов: COVID-19 табылган нарындык киши үй карантинин сактабаган болсо чара көрүлөт
Өкмөт жумушсуз калган кыргызстандыктарга азык-түлүк жагынан жардам берет
Кечээ коронавирус табылган 26 адамдын көбү өлкө ичинде жүрүп жуктурган
Боронов: Кыргызстан сырттан келебиз деген бардык жарандарын тосуп алууга даяр
Белгилер:
эреже, карантин, Кубатбек Боронов, коронавирус, Кыргызстан

ЭҢ МААНИЛҮҮ