03:24 28 Бугу 2020
Түз эфир
  • USD73.4900
  • EUR80.5230
  • RUB1.0341
Коом
Кыскача шилтеме алуу
Кыргызстандагы коронавирус жуктуруп алгандар (849)
118 0 0

Буга чейин Россиянын бир нече аэропортунда жүздөгөн кыргызстандыктар аба каттамдарынын токтотулганына байланыштуу мекенине кайта албай жатат деген маалымат тараган.

БИШКЕК, 30-мар. — Sputnik. Кыргызстан чет өлкөдөн мекенине кайтып келебиз деген бардык жарандарын кабыл алып, аларга татыктуу түрдө медициналык кызмат көрсөтүүгө даяр. Бул тууралуу маалымат жыйын учурунда биринчи вице-премьер Кубатбек Боронов билдирди.

Журналисттер ага Россиядан келе албай жаткан кыргызстандык мигранттарды кайтаруу жана башка өлкөдөгү мекендештер боюнча суроо беришти.

“Кечээ түштөн кийин Россиядан 401 кыргызстандыкты алып келдик. Алардын бардыгы обсервацияга алынып, тиешелүү анализдерди тапшырды. Кыргызстан өзүнүн бардык жарандарын тосуп алууга жана тиешелүү медициналык кызматтарды көрсөтүүгө даяр. Эч кимди карабай таштап койбойбуз”, — деди Боронов.

Анын сөзүнө саламаттык сактоо министри Космосбек Чолпонбаев 401 жаран тең тест тапшырганын, азыр алар текшерилип жатканын кошумчалады.

Коронавирус Кыргызстанда

Кыргызстанда коронавируска кабылгандардын саны ушуну менен 94кө жетти. Алардын басымдуу бөлүгү Ош жана Жалал-Абад облустарында. Ал эми бүгүн Сузактын үч тургуну айыгып чыкканы кабарланды.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна өзгөчө абал киргизилип, кечки саат 20:00дөн кийин көчөгө чыгууга тыюу салынган. Мындай режим 15-апрелге чейин уланат.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот

Тема:
Кыргызстандагы коронавирус жуктуруп алгандар (849)

Тема боюнча

Кечээ коронавирус табылган 26 адамдын көбү өлкө ичинде жүрүп жуктурган
Кыргызстанда коронавирус жуктурууга шектүү делип 1459 адам жатат
Бишкекте соцкызматкерлер карыларга тамак жеткирип, үйлөрүн дезинфекциялоодо
Белгилер:
чет өлкө, Мигрант, өкмөт, Кыргызстан

ЭҢ МААНИЛҮҮ