08:13 05 Кулжа 2020
Түз эфир
  • USD73.9200
  • EUR82.8348
  • RUB1.0711
Коом
Кыскача шилтеме алуу
199 0 0

Фейк маалымат тараткан эки киши күнөөсүн моюндап, кылган иши үчүн кечирим сураган. УКМК ушак кабар тараткандар мыйзам алдында жооптуу экендигин эскертти.

БИШКЕК, 28-мар. — Sputnik. Чүйдөгү оорукананын бириндеги жугуштуу оорулар бөлүмүндө коронавирус жуктурган 15 адам жатат деп социалдык тармак аркылуу жалган маалыматтарды тараткан эки киши кармалды. Бул тууралуу Улуттук коопсуздук мамлекеттик комитети билдирди.

Ага ылайык, фейк маалымат таратты делген Кара-Балта шаарынын 28 жаштагы тургуну Эрлан Русланбеков менен Жайыл районунун 27 жаштагы тургуну Адилет Сыргабаев 25-26-март күндөрү колго түшүрүлгөн.

"Аларга түшүндүрүү иштери жүргүзүлдү. Натыйжада кылган ишинин туура эместигин мойнуна алышып, жалган маалымат бергендиги үчүн кечирим сурашты", — деп айтылат маалыматта.

Бул факт боюнча материалдар Кылмыш менен жоруктардын бирдиктүү реестрине Кылмыш-жаза кодексинин 39 жана 280-беренесинин ("Санитардык эпидемиологиялык эрежелерди бузууга аракеттенүү") белгилери боюнча катталды.

УКМК ички иштер органдары менен биргеликте коронавирус боюнча жалган маалыматтарды тараткандарды аныктоо менен коомдук-саясий жана эпидемиологиялык абалды туруктуу сактоо боюнча тиешелүү иш-аракеттерди жүргүзүүнү улантып жатканын кошумчалады.

Тема боюнча

"Коронавирусту бийлик ойлоп тапкан" деген ушак тараткан адам кармалды
"Блокпосттон 200 сомго өткөрүп жатышат". УКМК жалган маалымат тараткандарды кармады
УКМК элди дүрбөтүп жалган маалымат тараткан сайтты аныктады
Белгилер:
кармоо, жалган маалымат, коронавирус, УКМК, Чүй облусу, Кыргызстан

ЭҢ МААНИЛҮҮ