Окуучулар карантин учурунда ЖРТга кантип даярданса болот? Сайттардын тизмеси

© AFP / GEORGES GOBETШкола имени Жюль Верна в Нанте. Франция
Школа имени Жюль Верна в Нанте. Франция - Sputnik Кыргызстан
Жазылуу
Жалпы республикалык тестирлөөгө катышмайынча абитуриенттерге көптөгөн окуу жайларга окууга өтүү мүмкүн эмес.

БИШКЕК, 25-мар. — Sputnik. Билим берүү жана илим министрлиги окуучуларга жалпы республикалык тестирлөөгө (ЖРТ) даярдануу үчүн бир катар онлайн-ресурстарды колдонууну сунуштады.

Министрликтин маалымат кызматы алардын тизмесин берди:

ЖРТга даярдануу боюнча кыргыз жана орус тилиндеги колдонмо. Ал ЖРТга катышуу үчүн каттоодон өткөн ар бир абитуриентке берилет жана Билимди баалоо, окутуу усулдары борборунун сайтынын (www.testing.kg) жалпы республикалык тестирлөө бөлүмүндө жайгашкан;

Негизги тесттин бардык бөлүмдөрү жана предметтик тесттердин баарын камтыган кыргыз жана орус тилдериндеги ЖРТга даярдануу боюнча видео-сабактар. Ал Билимди баалоо жана окутуу усулдары борборунун сайтында жана Ютуб каналында жайгаштырылган;

Преподаватель проводит онлайн урок в учебном классе. Архивное фото - Sputnik Кыргызстан
Мектептер төртүнчү чейректи дистанттык түрдө окуп калышы мүмкүн
ЖРТнын негизги тести боюнча 2019-жылы тартылган жаңы кыргыз тилиндеги видео-сабактар. Ал Билимди баалоо жана окутуу усулдары борборунун (ББОУБ) сайтында, Илим-Элим онлайн билим берүү платформасында жана ББОУБнун Ютуб каналында жайгашкан;

Кыргыз жана орус тилдериндеги (негизги жана предметтик тесттер) акысыз онлайн-сынак тест (2 вариантта);

Билимди баалоо жана окутуу усулдары борборунун Facebook жана Instagram баракчаларында ЖРТ тууралуу маалымат, негизги жана предметтик тесттерди тапшыруу боюнча кеңештер бар.

"Кут Билим" гезитинде жарыяланган ЖРТнын тапшырмаларынын мисалдары;

Эске салсак, Кыргызстанда мектептер жана жогорку окуу жайлар 16-марттан тарта үч жумага карантинге жабылган. Ал эми ЖРТга катышмайынча көптөгөн окуу жайларга окууга өтүү мүмкүн эмес.

Жаңылыктар түрмөгү
0