Өзгөчө абал. Маршруттук баракча деген эмне жана аны кантип толтуруу керек?

© Sputnik / Табылды КадырбековКагаз толтуруп жаткан ИИМ кызматкери
Кагаз толтуруп жаткан ИИМ кызматкери - Sputnik Кыргызстан
Жазылуу
Шаардыктардын көбү соцтармактан маршруттук баракча деген эмне экенин сурашты. Бул баракчаны жаран күндүз көчөгө чыкканда сөзсүз жанына алып жүрүшү керек.

БИШКЕК, 25-мар. — Sputnik. Өкмөт өзгөчө абал учурунда көчөгө чыкканда көрсөтө турчу маршруттук баракча деген эмне экенин түшүндүрүп берди.

Өлкөдө коронавирустун жайылып кетпешине бөгөт коюу максатында Бишкек, Ош жана Жалал-Абад шаарларына, ошондой эле үч районго өзгөчө абал режими киргизилди. Бул режим 15-апрелге чейин күчүндө болот. Мурдагыдай күндүз баары каалаган жагына бара албайт, ары-бери жүрүүгө чектөө коюлду.

Жүргүнчүлөрдү текшерип жаткан медицина кызматкери - Sputnik Кыргызстан
Кыргызстандагы коронавирус жана өзгөчө абал боюнча тексттик баян. Сүрөт, видео
Буга чейин биринчи вице-премьер Кубатбек Боронов өзгөчө абал киргизилген аймакта жашагандар кечки саат 20:00дөн таңкы 7:00гө чейин эч кайда чыкпашы керек экенин эскерткен. Анткени бул убакта коменданттык саат жарыяланган. Күндүз дарыканага, азык-түлүк дүкөнүнө жана ооруканага гана чыкса болот.

Эгер көчөгө ушул үч нерсе үчүн чыга турган болсо, жарандын жанында өздүгүн тастыктаган документ жана маршруттук баракча болушу керек.

Маршруттук баракча — бул жаран өз колу менен толтурган анкета.

Анда төмөнкү маалыматтар жазылышы шарт:

  • аты-жөнү;
  • телефон номери;
  • үйдөн чыккан себеби;
  • канча убакытта үйүнө барары;
  • жашаган жери;
  • бара турган жеринин дареги.

Эскерте кетсек, ушу тапта Кыргызстанда коронавирус жуктуруп алгандардын саны жалпы жонунан 42 кишиге жетти. Ооруканада жаткандардын арасында бир жашка чейинки бир ымыркай, 6 жаштагы бир жеткинчек жана 14 жаштагы өспүрүм бар. Ал эми Сузактын 71 жаштагы тургуну жандандыруу бөлүмүндө жатат.

Редакция өлкөдөгү кырдаал боюнча тексттик трансляция жүргүзүп жатат.

Жаңылыктар түрмөгү
0