15:09 06 Чын Куран 2020
Түз эфир
  • USD84.8713
  • EUR91.6483
  • RUB1.0978
Коом
Кыскача шилтеме алуу
Кыргызстандагы коронавирус жуктуруп алгандар (449)
124 0 0

Учурда Ош калаасында жүргүнчүлөрдү ташуу үчүн эки каттамдагы троллейбус менен эки каттамдагы автобус иштеп жатат.

БИШКЕК, 24-мар. – Sputnik. Ош шаарынын ичинде бүгүн, 24-марттан тарта, такси жүрбөй калды. Бул туурасында мэриянын атайын социалдык тармактагы баракчасында кабарланды.

Мындай чечим жалпы эпидемиологиялык абалдан, коопсуздукту сактоо чараларынан улам кабыл алынган.

"Ош шаарында такси каттамдары токтотулат. Үйдөн чыкпашыңарды суранабыз", — деп айтылган элге жасалган кайрылууда. 

Учурда Ош калаасында жүргүнчүлөрдү ташуу үчүн эки каттамдагы троллейбус менен эки каттамдагы автобус иштеп жатат.

Ал эми кечээтен, 23-марттан тарта, Ош шаарына башка райондордон жарандардын кирүүсүнө убактылуу чектөөлөр киргизилген.

Кыргызстандагы коронавирус жана өзгөчө кырдаал

Кыргызстанда коронавирус жуктуруп алгандардын саны 16га (жети эркек, тогуз аял) жетти. Анын ичинен сегизи Сузак, бешөө Ноокат, бирөө Баткен районунун, экөө Бишкек шаарынын тургундары. Эки адамдын абалы орточо деп бааланып жаткан. Алардын бири, Жалал-Абад облустук ооруканасынын жугуштуу оорулар бөлүмүндө жаткан 71 жаштагы эркек киши, жандандыруу бөлүмүнө которулду.

Өлкөдө 18-мартта коронавирус биринчи жолу Сауд Аравиядан кичи ажылыктан келген үч адамга жукканы аныкталган.

Өкмөт 22-марттан баштап Кыргызстандын аймагына өзгөчө кырдаал жарыялады.

Тема:
Кыргызстандагы коронавирус жуктуруп алгандар (449)

Тема боюнча

Президент Жээнбековдун Ош облусуна өзгөчө абал киргизүү боюнча Жарлыгы
Кыргызстанда өзгөчө абал жарыяланат. Учурда эмне болуп жатат
РФ окумуштуулары: коронавируска каршы вакцинаны сыноонун алгачкы этабы аяктады
Белгилер:
коронавирус, такси, Ош, Кыргызстан

ЭҢ МААНИЛҮҮ