13:20 12 Баш оона 2020
Түз эфир
  • USD77.6100
  • EUR91.3547
  • RUB1.0609
Коом
Кыскача шилтеме алуу
Кыргызстандагы коронавирус жуктуруп алгандар (1238)
571 0 0

Шектүү буга чейин социалдык тармактар жана мессенжер аркылуу "Жалал-Абадда коронавирус жуктуруп алгандар ооруканадан качып, дарыгерлер ишин таштап кетип жатышат" делген маалымат тараткан.

БИШКЕК, 22-мар. – Sputnik. УКМК социалдык тармактарда жана мессенжерде жалган маалымат тараткан шектүүнү колго түшүрдү. Бул тууралуу аталган мекеменин маалымат кызматы кабарлады.

Билдирмеге ылайык, шектүү буга чейин социалдык тармактар жана мессенжер аркылуу "Жалал-Абадда коронавирус жуктуруп алгандар ооруканадан качып, дарыгерлер ишин таштап кетип жатышат" делген маалымат тараткан.

"Ыкчам иликтөө иштеринин жыйынтыгында жалган маалымат таратты деп 38 жаштагы эркек киши кармалган. Маалым болгондой, ал жеке компаниялардын биринде иштейт. Учурда күнөөсүн мойнуна алып, элден кечирим суроодо", – деп айтылат маалыматта.

Анын бул ишине юридикалык баа берилери айтылды.

Коронавирус Кыргызстанда

Кыргызстанда 18-мартта коронавирус биринчи жолу Сауд Аравиядан кичи ажылыктан келген үч адамга жукканы аныкталган. Үчөө тең Жалал-Абад облусуна караштуу Сузак районунун тургундары. Алар менен кошо 12-мартта бир каттамда Бишкекке 144 адам келген. Анын экөө Өзбекстанга кетип, калган 142си изоляцияга алынган.

Ал эми 20-мартта умрага барып келген дагы үч адамдан COVID-19 табылганы маалым болгон. Алар Ош облусуна караштуу Ноокат районунун тургундары. Учурда аймактык ооруканада жатышат, үчөөнүн тең абалы канааттандырарлык.

21-мартта дагы Сузактын беш, Бишкектин эки, Баткендин бир тургунунан COVID-19 аныкталды.
Акыркы маалыматтар боюнча, вирус жуктуруп алгандардын жалпы саны 14кө жетти.

Мындан улам өкмөт 22-марттан баштап Кыргызстандын аймагына өзгөчө кырдаал жарыялады.

Тема:
Кыргызстандагы коронавирус жуктуруп алгандар (1238)

Тема боюнча

Кандай оорулары барларга коронавирус өзгөчө кооптуу экени айтылды
Жолдор тосулуп, үч айыл өкмөтү карантинге алынды. Баткендеги абалдын видеосу
Бишкекте ӨК режими учурунда жүрчү троллейбустардын тизмеси
Белгилер:
фейк, коронавирус, Жалал-Абад, жалган маалымат, УКМК

ЭҢ МААНИЛҮҮ