15:03 06 Чын Куран 2020
Түз эфир
  • USD84.8713
  • EUR91.6483
  • RUB1.0978
Коом
Кыскача шилтеме алуу
Коронавируска байланыштуу Кыргызстандагы кырдаал (740)
638 0 0

Кеңештердин биринде жетекчилерге кол алдындагыларды үйдөн иштөөсүнө мүмкүнчүлүк түзүп берүү сунушталган. Бул кызматкерлердин коопсуздукта болушуна жана иш процессин токтотпоого жардам берери белгиленет.

БИШКЕК, 18-мар. — Sputnik. Кыргызстандын Саламаттыкты сактоо министрлиги жумуш орундарында курч респиратордук вирустук инфекцияларды, анын ичинде коронавирусту алдын алуу үчүн кандай эрежелерди сакташы керектигин айтып берди.

Ага ылайык, биринчи кезекте офисте кызматкерлерге жана конокторго суу менен самынды кенен белендөө керек. Жумушчулар да колду бат-баттан жууп турууну эстен чыгарбашы шарт. Ошондой эле кеңседе спирти бар антисептик куюлган диспенсердин болгону жакшы.

Офисте тазалыкты сактаган адам эшиктердин туткалары, телефондорду, клавиатураларды жана башка кеңсе шаймандарын ар бир эки саатта дезинфекциялоочу каражат менен сүртүп турушу зарыл.

"Бөлмөлөрдү тез-тезден желдетип тургула. Жөтөлүп, чүчкүргөндө ооз жана мурунду бир жолу колдонуучу кагаз бет аарчы менен жапкыла же бүгүлгөн чыканакка чүчкүргүлө. Колдонулган бет аарчыны оозу жабыла турган таштанды чакаларга таштагыла. Ооруп жаткан кызматкерлер жумушка чыкпай турушун өтүнгүлө", — деп айтылат маалыматта.

Ошондой эле иш сапарга чет өлкөгө чыкпай туруу жана эл көп топтолгон жерге барбоо сунушталган.

Андан тышкары, жетекчилерге кол алдындагыларды үйдөн иштөөсүнө мүмкүнчүлүк түзүп берүү сунушталган. Бул кызматкерлердин коопсуздукта болушуна жана иш процессин токтотпоого жардам берери белгиленет.

Тема:
Коронавируска байланыштуу Кыргызстандагы кырдаал (740)

Тема боюнча

Өкмөт: башка өлкөнүн жарандыгын алган мекендештер Кыргызстанга кире албайт
Япония Кыргызстанга коронавирусту аныктоочу 2000 тест-система берди
Белгилер:
кызматкер, кеңсе, коронавирус, КР Саламаттык сактоо министрлиги, Кыргызстан

ЭҢ МААНИЛҮҮ