13:52 06 Чын Куран 2020
Түз эфир
  • USD84.8713
  • EUR91.6483
  • RUB1.0978
Коом
Кыскача шилтеме алуу
Коронавируска байланыштуу Кыргызстандагы кырдаал (736)
752 0 0

Коронавирус көп жайылган Кытай, Түштүк Корея, Италия, Иран жана Япониядан келген кыргызстандыктар карантинге жөнөтүлүүдө. Бирок алар кайда, кандай шартта текшерилүүдө? Бул суроого Sputnik Кыргызстан агенттиги жооп алды.

БИШКЕК, 11-мар. — Sputnik. Саламаттык сактоо министрлигинин хирургия боюнча башкы адиси Нурлан Галбаевдин айтымында, коронавирус жайылган өлкөлөрдөн келгендер медициналык мекемелерге карантинге жөнөтүлөт. Азыркы тапта көзөмөл жайы катары Бишкекте төрт, Ошто бир медициналык борбор даярдалган.

"Бул медициналык мекемелер шаардын ичинде эле жайгашкан. Карантинге алынгандар төрт медициналык жайга жиберилет. Ал жакта 14 күн болушат. Дарыгерлер дене табын, тамагынын кызарып кетпегенин карап турушат. Сырттан келгендердин арасында ишкерлер, студенттер бар. Алар жаткан жериндеги шартка нааразы болушууда. Мисалы, өзүнчө бөлмө, санузелдердин жоктугун айтышууда. Бирок биз колдон келген аракетти жасап жатабыз. Башкысы санитардык норма аткарылып, тамак-ашы берилип жатат. Алар сыртка чыгарылбайт, дарыгерлердин көзөмөлүндө", — деди Галбаев.

Ал азыркы тапта жалпы жонунан 300дөй адам карантинде экенин кошумчалады.

"14 күндүк мөөнөтү бүткөндөр улам чыгарылып турат. Коронавирус жайылган өлкөдөн келгендердин арасында операция болгондору бар. Мисалы, Түштүк Кореядан рак илдетине кабылган бейтаптар келүүдө. Аларды жөнөкөй эле жайга жайгаштыра албайбыз. Айрымдары химиотерапия алышы керек. Мындай бейтаптарды аргасыздан онкология борборуна жаткырууга мажбурбуз. Болгону булар жатчу бөлүмдөрдүн эшиктери өзүнчө болот. Кош бойлуу келиндер келет, аларды да керектүү жабдуулары бар ооруканага жаткырууга туура келүүдө. Бирок эшиги башка жактан чыккан бөлмө, имараттарга жаткырылат", — деди Галбаев.

Саламаттык сактоо министрлигинин өкүлү карантинге алынган жарандарды караган дарыгерлерге кошумча каражат төлөнөрүн билдирди. Ошондой эле жарандар текшерилип жаткан жайлардын так дареги коопсуздуктан улам берилбей турганын кошумчалады.

Белгилей кетсек, Саламаттык сактоо министрлиги экинчи жана үчүнчү категорияга киргизген 16 өлкөдөн келген жарандар мындан ары үй карантинине алынмай болду.

Тема:
Коронавируска байланыштуу Кыргызстандагы кырдаал (736)

Тема боюнча

Жаман айтпай, жакшы жок. Коронавирус жайылып кетсе Кыргызстан канчага чыдайт
Белгиленбей калган майрамдарга бөлүнгөн каражат кайда жумшалат
Белгилер:
бейтап, карантин, коронавирус, КР Саламаттык сактоо министрлиги

ЭҢ МААНИЛҮҮ