20:44 04 Кулжа 2020
Түз эфир
  • USD73.9200
  • EUR82.8348
  • RUB1.0711
Коом
Кыскача шилтеме алуу
461 0 0

Дарыя жашыл түскө боёлуп калган видео 29-февраль күнү интернетке тараган. Бишкек мэриясы териштирүү жүрө электе эле бул видеону эмнегедир фейк деп атаган эле.

БИШКЕК, 5-мар. — Sputnik. Алдын ала маалыматтар боюнча, Аламүдүн дарыясына азык-түлүк боёгу ыргытылгандыктан суу жашыл болуп калган. Бул тууралуу Экологиялык жана техникалык коопсуздук боюнча мамлекеттик инспекциясынан билдиришти.

Эске салсак, дарыя жашыл түскө боёлуп калган видео 29-февраль күнү интернетке тараган. Ошол эле күнү Чүй облусунун өкүлчүлүгү сууга белгисиз зат ыргытылганын маалымдаган.

Жеринде профилдик мамлекеттик органдардын өкүлдөрүнөн түзүлгөн комиссия иштеп, куш менен балыктардын кырылганы катталбаганын аныктаган. Ошондой эле суунун, топурактын үлгүсү алынып, лабораторияга жөнөтүлгөн.

"Белгисиз адамдар жолдун жээгине курулуш таштандысын калтырып кетишиптир. Ошол жактан дарыяга азык-түлүк боёгу төгүлүп калган. Айылдык аймактардын өкүлдөрүнө мындай көрүнүш экинчи кайталанбашы үчүн эскертүү берилди. Укук коргоо органдары болсо иш козгоду. Кошумча маалымат тергөө аяктагандан кийин берилет", — деп айтылат маалыматта.

Буга чейин Бишкек мэриясы бул видеону эмнегедир фейк деп, төгүнгө чыгарган болчу.

Тема боюнча

Бишкектеги мектепте иштеген мугалимден кургак учук аныкталды
Жашыл түскө боелгон Аламүдүн суусу. Казгидромет Чу дарыясын изилдөөдө
Белгилер:
Аламүдүн дарыясы, мэрия, Бишкек

ЭҢ МААНИЛҮҮ