Согуштун ардагерлерине жардам катары 75 миң сомдон бөлүнөт

© AFP / VYACHESLAV OSELEDKOПразднование 74-й годовщины победы Советского Союза в Бишкеке
Празднование 74-й годовщины победы Советского Союза в Бишкеке - Sputnik Кыргызстан
Жазылуу
Президент Сооронбай Жээнбеков согуштун ардагерлерине бир жолку төлөмдөр жөнүндө Жарлыкка кол койгон.

БИШКЕК, 4-мар. — Sputnik. Улуу Ата Мекендик согуштун ардагерлерине бир жолу төлөнүүчү жардам катары 75 миң сомдон бөлүнөт. Бул тууралуу президенттин маалымат кызматы кабарлады.

Билдирмеге ылайык, президент Сооронбай Жээнбеков Улуу Ата Мекендик согуштун ардагерлерине бир жолку төлөмдөр жөнүндө Жарлыкка кол койгон.

Улуу Ата Мекендик согуштун ардагери, жазуучу жана коомдук ишмер Асек Урманбетов - Sputnik Кыргызстан
Радио
Ардагер: сатылган китептеримдин акчасын кайрымдуулукка жумшайм
Ага ылайык, ар бир ардагерге бир жолку төлөнүүчү акчалай жөлөк пул катары 75 миң сомдон бөлүнөт.

Азыркы тапта өлкөдө Улуу Ата Мекендик согуштун 251 ардагери жашайт. Алардын ичинен 65и — согуштун майыптары, 153ү — согуштун катышуучулары, 15и — экинчи дүйнөлүк согуш мезгилинде фашисттер жана алардын союздаштары түзгөн концлагерлерде, мажбурлап кармоо жайларында жашы жетелек кезинде туткун болгон адамдар. 18и — 1941-1944-жылга чейин Ленинград шаарындагы ишканаларда, мекемелерде жана уюмдарда иштеген, ал эмгеги үчүн сыйланган адамдар.

Президенттин маалымат кызматы 2010-жылдын 1-январынан тартып Улуу Ата Мекендик согуштун ардагерлерине жеңилдиктердин ордуна ай сайын 7000 сомдон акчалай компенсация берилип келерин айтты. Мындан сырткары, президенттин өмүр бою берилчү 10 000 сом өлчөмүндөгү стипендиясы төлөнөрү, ардагерлер ай сайын пенсия да алышары кошумчаланды.

 

Виджет news
Жаңылыктар түрмөгү
0