01:18 31 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
251 0 0

Кечээ, 29-февралда, социалдык тармакка Аламүдүн суусу жашыл болуп агып жатканы тууралуу маалымат тарап, учурда комиссия текшерип жатат. Буга байланыштуу Казгидромет Чу дарыясынын суусун изилдөөгө киришти.

БИШКЕК, 1-мар. — Sputnik. Казгидромет мамлекеттик техникалык кызматынын Жамбыл облусу боюнча филиалы Чу дарыясына байкоо жүргүзүү үчүн суусунун үлгүсүн алганын Sputnik Казакстан агенттиги жазды.

"ЖМКларда жана Facebook тармагында Кыргызстандын аймагындагы Аламүдүн жана Ала-Арча суусунун жашыл түскө боелуп агып жатканына байланыштуу Казгидромет Кайнар айылынан Чу дарыясынын суусун текшерүүгө алды. Себеби КРдин эки суусу агып барып Чу дарыясына кошулат", — деп билдирди Казгидромет.

Кайнар айылы Кыргызстандын чек арасынан 20 чакырым алыстыкта жайгашкан.

"Чу дарыясын сыртынан караганда өңү кадимкидей эле. Адаттан тыш жыты же башка көрүнүштөрү байкалган жок", — деп айтылат расмий маалыматта.

Суунун курамындагы оор металлдарды, органикалык жана биогендик заттарды аныктаган физикалык-химиялык анализ 2-мартта чыгат.

Кечээ, 29-февралда, социалдык тармакка Аламүдүн суусу жашыл түскө боёлуп агып жатканы тууралуу маалымат тараган. Аны текшерүү боюнча Экологиялык жана техникалык коопсуздук боюнча мамлекеттик инспекция атайын комиссия түзгөн.

Тема боюнча

Аламүдүндүн "жашыл суусун" мэрия калп деди, эксперттер текшерип баштады
Белгилер:
дарыя, анализ, Түс, Суу, Аламүдүн району, Казакстан, Кыргызстан

ЭҢ МААНИЛҮҮ