20:21 09 Чын Куран 2020
Түз эфир
  • USD77.8000
  • EUR84.5647
  • RUB1.0428
Коом
Кыскача шилтеме алуу
117 0 0

Чек арага жакын аймактардын коопсуздугун камсыздоо жана социалдык-экономикалык жактан өнүктүрүү үчүн 296,25 миллион сом бөлүнгөн.

БИШКЕК, 27-фев. — Sputnik. Өлкөдөгү 18 калктуу конушту өзгөчө макамга ээ болгон чек ара аймактарынын тизмесине киргизүү сунушталууда. Бул туурасында өкмөттүн маалымат кызматы билдирди.

Вице-премьер Акрам Мадумаровдун төрагалыгы алдында "Кыргыз Республикасынын айрым чек ара аймактарына өзгөчө статус берүү жана аларды өнүктүрүү жөнүндө" мыйзамды аткаруу боюнча ведомстволор аралык жумушчу комиссиянын отуруму өттү.

"Аталган мамлекеттик программа биз үчүн зор мааниге ээ. Биринчи кезекте чек арага жакын аймактардын коопсуздугун камсыздоо, социалдык-экономикалык жактан өнүктүрүү маселелери турат. Андыктан ал жакта жашаган калктын бакубатчылыгын камсыздоо үчүн көрсөтүлгөн иш-чаралардын планын так, сапаттуу аткаруу маанилүү", — деди Мадумаров.

Ошондой эле жыйында жумушчу комиссия 18 калктуу конушту өзгөчө макамга ээ болгон чек ара аймактарынын тизмесине киргизүү үчүн алты мамлекеттик органдын сунуштарын караган.

Вице-премьер мамлекеттик органдарга мамлекеттик программанын алкагында жасалчу иштерди өз убагында жана сапаттуу аткаруу боюнча тапшырмаларды берген.

Маалыматка ылайык, 2018-2020-жылдарга карата айрым чек ара аймактарынын коопсуздугун камсыздоо жана социалдык-экономикалык өнүктүрүү мамлекеттик программасын ишке ашыруу боюнча 33 иш план бекитилген. Ал үчүн бюджеттен 296,25 миллион сом бөлүнгөн.

Тема боюнча

Баткендин чек ара башкармалыгында эки млн. сомдук кубаттагычтар жоголду
Жээнбеков чек ара боюнча маанилүү документке кол койду
Өкмөттүн чек ара боюнча атайын өкүлү болуп Назирбек Бөрүбаев дайындалды
Баткен менен Таласка таза суу жеткирүү үчүн 20 млн. доллар насыя алынат
Белгилер:
өкмөт, чек ара, айыл, макам

ЭҢ МААНИЛҮҮ