06:03 09 Чын Куран 2020
Түз эфир
  • USD84.8713
  • EUR92.1193
  • RUB1.1204
Коом
Кыскача шилтеме алуу
195 0 0

Алыйкулованын айтымында, учурда Сириянын аймагында Кыргызстандан барган 137 аял жана 400гө жакын жашы жете элек балдар лагерде жашап жатат.

БИШКЕК, 26-фев. — Sputnik. Азыр Сирияда 400гө жакын кыргызстандык жашы жете элек бала бар. Бул тууралуу "Элет көйгөйү" коомдук бирикмесинин төрайымы Марипа Алыйкулова маалымат жыйында билдирди.

Анын айтымында, учурда Сириянын аймагынан Кыргызстандан барган 137 аял жана 400дүн тегерегиндеги бала өз мекенине алып келиниши керек.

"Мага 2019-жылдын башында ата-энелер кайрылган. Андан соң биз мамлекеттик органдар менен маалымат алмашып иштешип, алардын санын тактаганбыз. Азыр Сириядагы балдар сууктан каза болуп жатат. Тиешелүү мамлекеттик органдар аларды мекенине алып келиши зарыл, алар учурда оор шарттарда чатырда күн кечирүүдө. Биз алардын Кыргызстандагы жакындары, ал жактагы энелери менен сүйлөшүп жатабыз", — деди Алыйкулова.

Ал ошондой эле коңшу Казакстан менен Өзбекстан өз жарандарын согуш болгон аймактан алып келип жатканын кошумчалады.

Буга чейин БУУнун ЮНИСЕФ Балдар фондусунун КРдеги өкүлүнүн орун басары Мунир Мамедзаде Сирияда дүйнөнүн булуң-бурчунан барган 25 миң, Иракта 9 миңдин тегерегинде бала бар экендигин кабарлаган.

Ал эми Кыргызстандын тышкы иштер министри Чыңгыз Айдарбеков буга чейин Ирактагы кыргызстандыктардын балдарын мекенине кайтарып келүүгө даяр экендигин айтып, Ирактын расмий чакыруусун гана күтүп жаткандыгын билдирген болчу. 

Тема боюнча

Кыргыз өкмөтү кайтарылчу ар бир бала үчүн Иракка 400 доллар төлөйт. Маек
КМШ өлкөлөрү Сирия менен Ирактагы балдарды биргеликте кайтарууну көздөйт
Белгилер:
Согуш, балдар, кыргызстандыктар, Сирия

ЭҢ МААНИЛҮҮ