Ошто туулган кишини Россияда психикалык жактан ооругандардын клиникасынан табышты

© AFP 2023 / CHARLES ONIANSПсихиатрикалык оорукана
Психиатрикалык оорукана - Sputnik Кыргызстан
Жазылуу
Н.К аттуу Кыргызстанда төрөлгөн кишини жакындары издеп жатканы буга чейин социалдык тармактарда жазылган. Ал адам Россиянын жараны болчу.

БИШКЕК, 24-фев. — Sputnik. Кыргызстанда төрөлгөн киши Россиянын психикалык жактан жабыркагандардын  ооруканасынан табылды. Бул тууралуу  КРдин Акыйкатчысынын аппаратынан кабарлашты.

Билдирмеге ылайык, Кыргызстанда төрөлгөн Н.К. аттуу кишини жакындары издеп жатканы буга чейин социалдык тармактарда жазылган. Ал адам Россиянын жараны болгону айтылган. Жакындары анын Россиядан Кореяга иштегени кеткени тууралуу гана маалыматы болгонун айтып беришкен. Андан кийин  байланыш үзүлүп, кайда экени да белгисиз болуп жаткан.

"Акыйкатчынын өкүлү Россиянын укук коргоо органдары менен байланышканда, алар Н.К. Кореядан Владивостокко депортация кылынганын айтышкан. Жоголуп жаткан кишинин Приморск аймагындагы психиатрия ооруканасында экендиги аныкталган", — деп жазылат маалыматта.

Заседание суда по делу И.Тимошенко, заморозившей своих детей - Sputnik Кыргызстан
Дайынсыз жоголгон дагы бир кыргызстандык аял Москванын абагынан табылды
Акыйкатчынын жардамчысы Бакыт Садиров Приморскиге барып, Кыргызстанда төрөлгөн адамдын ал-абалын билген. Садировго изделип жаткан адамдын абалы Кореядан эле начарлап, Владивостокко кантип келгенин билбей калганын маалымдашкан. 

Акыйкатчынын жардамчысы оорукананын дарыгеры менен бейтапты чыгарып кетүү тууралуу сүйлөшүп, аны Кыргызстанга туугандары коштоп кетерин айткан. 20-февралда Н.К. учак менен Ош шаарына жеткирилген.

Жаңылыктар түрмөгү
0