БИШКЕК, 22-фев. — Sputnik. Чүй облусунун Аламүдүн районунда биринчи ирет айыл аймактын базасында муниципалдык коомдук транспорт ишке кирди. Бул тууралуу жергиликтүү бийлик өкүлдөрү билдирди.
Бул саамалык Кыргызстан менен Өзбекстан өкмөтүнүн ортосундагы 2018-2021-жылдарга карата экономикалык, илимий-техникалык жана гуманитардык кызматташуу боюнча программанын алкагында ишке ашты.
Автобустар жакынкы сегиз күн аралыгында райондун үч айылы менен (Садовое, Мыкан жана Аламүдүн) Бишкек шаарын аралап каттап баштайт.
Лизингге алынган техниканын бардыгы айыл аймактын муктаждыктарын жана инфраструктурасын оңдоодо колдонулат.
Айыл аймактын башчысы Найзабек Көлбаев техникалардын келиши менен жаңы 46 жумушчу орун түзүлөрүн айтып, аз да болсо ички миграциянын токтошуна салым кошорун белгиледи.
