БИШКЕК, 19-фев. — Sputnik. ИИМдин Адистештирилген мамлекеттик күзөт башкы башкармалыгынын аталышы өзгөртүлдү. Бул боюнча өкмөттүн токтому чыкты.
Ведомствонун азыркы аталышы — ИИМдин Күзөт кызматы. Өкмөттөн билдиришкендей, мындай чечим ички иштер органдарынын өлкөдөгү маанилүү объектилерди кайтаруудагы ишмердүүлүгүнүн эффективдүүлүгүн арттыруу максатында кабыл алынды.
Мындан тышкары, ведомствонун электрондук дареги өзгөртүлдү. Эми ал мурдагыдай dgusso_mvd_kr@mail.ru эмес, so_mvd_kr@mail.ru деп аталып калды.
ИИМдин бул кызматы маанилүү объектилерди жана имараттарды кайтаруу жана коопсуздукту камсыздоо милдетин аткарат. Мындан тышкары, анын кызматын келишимдик жол менен жеке тараптар дагы колдоно алат.
