Жээнбеков Мамкурулуштун жетекчисине: колуңардан келбесе кеткиле!

Жазылуу
Президент көп кабаттуу үй куруу үчүн 50дөй макулдашуу жана 100 кишинин колу талап кылынып жатканын билдирип, муну "чөнтөк толтурмай" деп атады.

БИШКЕК, 12-фев. — Sputnik. Сооронбай Жээнбеков Мамлекеттик курулуштун башчысы Бактыбек Абдиевге ишин так аткара албаса, кызматтан кетүүсүн айтты.

Туруктуу өнүгүү боюнча Улуттук Кеңештин алдындагы Өндүрүштү жана ишкердикти өнүктүрүү комитетинин экинчи отурумун жаап жатып, президент көп кабаттуу үй куруу үчүн 50дөй макулдашуу жана 100 кишинин колу талап кылынарын белгиледи.

Ушундан улам акыркы төрт жылдан бери Doing Business рейтингинде Кыргызстан 20-орундан 90-орунга түшүп калган. Бул жерде курулушка уруксат алуу тармагындагы индикатор туурасында сөз жүрүүдө.

"Эгер колуңардан келбесе, анда кеткиле да. 100 кишинин колун жана 50дөй макулдук алуу үчүн кезекте канча туруу керек. Жөн гана чөнтөк толтурмай. Жыйынтык чыгаргыла же кеткиле", — деп айтты Жээнбеков.

Ошондон кийин гана аткаминердин отуруусуна уруксат берди.

Жаңылыктар түрмөгү
0