Кайсы ичимдиктер аялды аракечтикке сүйрөйт? Наркологдун жообу

© AFP / MENAHEM KAHANAСыра ичип жаткан кыздар. Архив
Сыра ичип жаткан кыздар. Архив - Sputnik Кыргызстан
Жазылуу
Кез-кезде, олуттуу себеп болгондо 1-2 бокал шарап ичип коюунун эч коркунучу жок. Бирок мындай "көңүл ачуулардын" аралыгы канчалык жакындаган сайын ошончолук көйгөй жарала баштайт.

БИШКЕК, 12-фев. — Sputnik. Аялды акырындап аракечтикке тарткан ичимдиктер — сыра менен шарап. Бул тууралуу россиялык нарколог жана психиатр Игорь Лазаревге шилтеме берип РИА Новости жазды.

Чашка чая - Sputnik Кыргызстан
Дүйнө кара чайды чана баштады. Эмне ичебиз?
Анын айтымында, бул экөөндө тең спирттин өлчөмү азыраак болгондуктан, аял киши зыянсыз деп иче берип, кантип ансыз жашай албай калганын өзү сезбей калат.

Албетте кез-кезде, олуттуу себеп болгондо 1-2 бокал шарап ичип коюунун эч коркунучу жок. Бирок мындай "көңүл ачуулардын" аралыгы канчалык жакындаган сайын ошончолук көйгөй жарала баштайт.

Бирок дээрлик бардык адамдар дарыгерге оорунун экинчи стадиясында, тагыраагы, токтоно албай жумалап, айлап ичип, колу-буту калтырап калганда кайрылат.

"Аракечтиги өтүшүп кеткен адамды, өзгөчө аял кишини толугу менен дарылоо дээрлик мүмкүн эмес. Айрым адамдар 10, керек болсо 20 жыл ичпей жүрүшү мүмкүн. Бирок бир баштап алса, баягы эле таз кейпине түшөт", — деди дарыгер.

Ошондой эле адис кыз-келиндерди аракечтиктен дарылоо алда канча татаал экенин кошумчалады. Анткени коомчулук тарабынан аялдын ичиши оор кабыл алынгандыктан, тааныштардын сын көз карашы, кемсинтүүсү бир топ тоскоолдук жаратат.

Жаңылыктар түрмөгү
0