22:18 01 Кулжа 2020
Түз эфир
  • USD73.4927
  • EUR81.8635
  • RUB1.0542
Коом
Кыскача шилтеме алуу
603 0 0

Министр Россиядан билим алууга кызыккан кыргызстандыктар көбөйгөнүн белгиледи. Бул факторду эске алуу менен кыргызстандыктар үчүн квоталар бөлүнүп турарын кошумчалады.

БИШКЕК, 10-фев. — Sputnik. Кыргызстандык жарандардын Россиянын жогорку окуу жайларында бюджеттик формада билим алуусу үчүн квоталар былтыркыга салыштырмалуу азайбайт, тескерисинче, көбөйүшү мүмкүн. Бул тууралуу Россиянын илим жана жогорку билим берүү министри Валерий Фальков билдирди.

Ал Sputnik Кыргызстан агенттигинин мультимедиалык маалымат борборунда өткөн "Эл аралык кызматташуу маселелери" аттуу видеокөпүрөгө катышты.

"2019/2020-окуу жылына карата Кыргызстандын жарандары үчүн 370 бюджеттик орун бөлүндү. Эки өлкөнүн кызматташуу тенденциясы белгиленди. Ага ылайык, квотанын саны кыскарбайт, тескерисинче, өсүшү мүмкүн", — деди министр.

Фальков Россиядан билим алууга кызыккан кыргызстандыктар көбөйгөнү боюнча дагы кеп кылды.

"Россиядагы кыргызстандык студенттердин саны эки өлкөнүн тыгыз байланышын көрсөтүп турат. КРдин жаш мууну РФ университеттеринде билим алууга кызыгып жатышат. Ушул факторду эске алуу менен кыргызстандыктар үчүн квоталар бөлүнүп турат", — деди министр.

Ал ошондой эле Россиядагы жогорку окуу жайлардын чет элдиктер үчүн өзүнчө дагы атайын программасы бар экенин белгилеп өттү.

"Эгер таланттуу студент россиялык жогорку окуу жайга тапшыргысы келсе анда алар үчүн атайын өзүнчө программа бар. Ага ылайык, университет студенттин чыгымдарын мойнуна алат", — деди Фальков.

Буга чейин Фальков Россиянын окуу жайларында канча кыргызстандык билим алып жатканы боюнча маалымат берген.

Тема боюнча

Министр Фальков Россияда канча кыргызстандык билим алып жатканын айтты
Белгилер:
квота, студент, билим берүү, Россия, Кыргызстан

ЭҢ МААНИЛҮҮ