10:58 29 Бирдин айы 2020
Түз эфир
  • USD69.8500
  • EUR77.0760
  • RUB1.0427
Коом
Кыскача шилтеме алуу
Кытайдагы жаңы типтеги коронавирус (174)
12777 0 0

Кытайда билим алып жаткан кыргызстандык студент Жасурбек Юсупов Хунань Илим жана технологиялык университетинде, бизнес факультетинин эл аралык экономика жана соода бөлүмүндө 3-курста окуйт. Өзү Жалал-Абаддан.

Sputnik Кыргызстан агенттигинин кабарчысы Кытайдын коронавирус чыккан Хубей провинциясына коңшулаш жайгашкан Хунань провинциясынын Чанша шаарында окуган кыргызстандык студент Жасурбек Юсупов менен кыргызстандыктардын абалы жана коронавирустун жайылышы тууралуу баарлашты.  

— Коронавирус боюнча тынчсызданып жатабыз. Ал жакта кыргыздардын абалы кандай?

— Ухань шаарында да, Чаншада да кыргыз студенттердин абалы жакшы. Биз тыгыз байланышта болуп, сүйлөшүп турабыз. Буга чейин да, азыр дагы Кытайда окуган кыргызстандык студенттердин дартка чалдыкканын уккан жокпуз.

Коронавирус тууралуу декабрдын аягында эле Кытайдын сайттарынан окугам, бирок маани берген эмесмин. Тынчсызданбасын деп ата-энелерибизге деле айткан эмеспиз. Андан көп өтпөй январь ичи вирус тууралуу маалымат тарап кетти.

— Кытайдагы бир нече шаарларды жаап салды деп жатышат?

— Негизи Ухань шаарына гана кирип-чыгууга тыюу салынды. Башка шаарларда жашоо кадимкидей эле уланып жатат. Болгону шаар бийлиги сыртка чыкканда беткап менен чыгып, көпчүлүк топтошкон жерге барбай турууну эскертүүдө.

— Кыргызстанга кетүү жөнүндө ойлоруңар барбы?

— Азыр Кытайда улуттук майрамы жаңы жыл өтүүдө. Ошого байланыштуу студенттер эс алууга чыгышты. Кээ бирлери Кыргызстанга кетсе, кээси башка шаарларда эс алып жүрүшөт. Эми сабактарыбыз башталат. Кудай сактасын, оору аябай жайылып, университеттен уруксат берилип, кырдаал күчөп кетпесе эле окуй беребиз. Бирок кээ бир тынчсызданган студенттер кетүүгө камданып жатышат. Бирок жолдо кетип бара жатып деле жуктуруп алуу коркунучу бар. Азыр көбү поездден же учактан эле жуктуруп алышууда.

— Ата-энеңиз, жакындарыңыз кабатыр болуп жатса керек...

— Ооба, ата-энебиз сарсанаа болуп жатат. Биз баары жакшы экенин айтып тынчтандырып жатабыз.

— Сиз турган Чанша шаарында жуктуруп алгандар катталган жокпу?

— Буга чейин андай маалымат жок болчу. Бүгүнкү жаңылыктан бир киши жуктуруп алды деп уктук, дагы эки киши  шектелип ооруканага жаткырылган.

Тема:
Кытайдагы жаңы типтеги коронавирус (174)

Тема боюнча

Кыргызстанда коронавирустун алдын алып, абалды көзөмөлдөөчү штаб түзүлдү
Коронавирустан 25 киши өлүп, Кытайдын 10 шаарына кирүүгө тыюу салынды. Азыркы абал
Белгилер:
студент, Кытай, коронавирус

ЭҢ МААНИЛҮҮ