22:13 17 Үчтүн айы 2020
Түз эфир
  • USD69.8300
  • EUR77.7592
  • RUB1.1348
Коом
Кыскача шилтеме алуу
58910

Видеодон тоолуу жерде аялдар ыйлап, кишилер кыргыз тилинде нааразы болуп сүйлөп жаткандыгын көрүүгө болот. Ысык-Көл облусунун администрациясынан түндө бул маалыматты жалган деп айтышкан.

БИШКЕК, 14-янв. — Sputnik. Социалдык тармактарга "Кыргызстанда иштеген кытайлыктар бала жеген жер табылды" деген жалган видео тараткандар изделип жатат.

Бул туурасында ИИМдин маалымат кызматынан кабарлашты.

Анда тоолуу жерде аялдар ыйлап, кишилер кыргыз тилинде нааразы болуп сүйлөп жаткандыгын көрүүгө болот.

"Бул видео 10-январда Кумтөр кенинде жер көчкү басып калып, табылбай жаткан эки адамга арналып куран окулган учур", — деп айтылат министрликтин маалыматында.

Кумтөр алтын кени. Архив
© Фото / пресс-служба правительства / Алишер Алиев
Sputnik Кыргызстан түндө бул видео социалдык тармактарга тарап кеткенден кийин жаназага барган өкмөттүн Ысык-Көл облусу боюнча өкүлүнүн маалымат кызматы менен байланышып, расмий жооп алган.

Алар "бала желген" деп таратылган видео чындыкка дал келбегендигин билдирген.

ИИМдин маалыматында учурда милиция кызматкерлери бул маалыматты тараткандарды табуу үчүн зарыл болгон аракеттерди көрүп жатканы айтылган.

Тема боюнча

Баланы жеди деген калп! Кыргызстанда тартылып, тарап кеткен видеонун чоо-жайы
Белгилер:
милиция, жалган маалымат, Кумтөр, Кыргызстан

ЭҢ МААНИЛҮҮ