15:00 14 Баш оона 2020
Түз эфир
  • USD78.0000
  • EUR92.3520
  • RUB1.0597
Коом
Кыскача шилтеме алуу
10-январдагы кыргыз-тажик чек арасындагы чыр (15)
94 0 0

Абылгазиев кыргыз-тажик мамлекеттик чек арасын делимитациялоо жана демаркациялоо маселеси чечилгенче чагымчылдыкка жол бербөө зарылдыгын айтты.

БИШКЕК, 10-янв. — Sputnik. Премьер-министр Мухаммедкалый Абылгазиев өлкөнүн күч түзүмдөрүнө Баткен облусунда болуп өткөн окуяга байланыштуу кыргыз-тажик тилкесинде мамлекеттик чек араны кайтарууну жана коргоону күчөтүү тапшырмасын берди. Бул тууралуу өкмөттөн билдиришти.

Маалыматка караганда, Абылгазиев окуянын чыңалышына жол бербөө жана жарандардын коопсуздугун камсыздоону тапшырды.

"Өкмөт башчы кырдаалды тез арада жөнгө салуyну жана чыңалууну толук жоюу үчүн вице-премьер-министр Жеңиш Разаковго эки өлкөнүн тиешелүү мамлекеттик органдарынын, ошондой эле облус жетекчилеринин ортосундагы сүйлөшүү процессин күчөтүү тапшырмасын берди", — деп айтылат маалыматта.

Мухаммедкалый Абылгазиев кыргыз-тажик мамлекеттик чек арасын делимитациялоо жана демаркациялоо маселеси боюнча ишти илгерилетүүгө чейин кандайдыр бир чагымчылдыкка алдырбоо жана кырдаалдын курчушуна алып келбөө зарылдыгын белгилеген.

Эскерте кетсек, бүгүн түнкү саат 00:40 чамасында Баткен районунун Жака-Өрүк аймагында белгисиз адамдар Баткенди көздөй бара жаткан кыргызстандыктын автоунаасын ташка алып терезелери талкаланган. Андан соң алар Тажикстанды көздөй кирип кетип, из жашырган.

Ал эми саат 1.00дө Тажикстандын Көчө-Карын тарабынан кишилер Баткенден Көк-Таш айылын көздөй бара жаткан дагы бир кыргызстандыктын автоунаасына таш аткан. Анын да маңдайкы айнеги сынган.

Болжол менен 02:40та тажикстандыктар Дахма аймагындагы кыргызстандыктардын үйүн ташка алган. Ал жерге барган кыргызстандык чек арачылар менен милиция кызматкерлерине Тажикстан тараптан ок атылган.

Түзүлгөн кырдаалга байланыштуу айылдагы аялдар менен балдар мектептин имаратына алып келинген.

Тема:
10-январдагы кыргыз-тажик чек арасындагы чыр (15)

Тема боюнча

Чек арадагы чыр: Өзбекстан кыргызстандыктардын малын кайтарып берди
Белгилер:
Мухаммедкалый Абылгазиев, чек ара, Тажикстан, Кыргызстан

ЭҢ МААНИЛҮҮ