17:10 19 Бирдин айы 2020
Түз эфир
  • USD69.8489
  • EUR75.4648
  • RUB1.0967
Коом
Кыскача шилтеме алуу
540 0 0

Айыпталуучунун баштыгынан АК-47 автоматынын бир даана огу табылып, аны укук коргоо кызматкерлери аэропорттон колго түшүргөн.

БИШКЕК, 30-дек. — Sputnik. "Манас" эл аралык аэропортунан бир ок менен кармалган жаран бир жылга шарттуу эркинен ажыратылды. Бул тууралуу Жогорку соттун расмий сайтында жарыяланган.

Өкүмгө ылайык, айыпталуучу Түркияга баратканда кармалган. Анын баштыгында АК-47 автоматынын бир огу табылганы айтылат. Колго түшкөн кишиге Кылмыш-жаза кодексинин 253-беренеси ("Курал-жарак жана ок-дарыларды мыйзамсыз сактоо") боюнча айып коюлган.

Сот отурумунда шектүү көрсөтмө берип, күнөөсүн жарым-жартылай мойнуна алган.

"Ал күнү мен Түркиянын Анталия шаарына учуу үчүн аэропортко баргам. Жанымдагы баштыгымды рентгенден өткөрүп жатканда ал жакта иштеген кыз "баштыгыңызда ок барбы" деп сураган. Мен "жок" деп жооп бергем. Кийин анын ичиндеги оокаттарды алып чыгып, кичинекей капчыктын ичинен бир даана ок табылган. Мындай болуп калганына өкүнөм", — деген ал.

Териштирүү маалында соттук-баллистикалык экспертиза октун жарактуу экендигин аныктаган.

Фемида өкүлдөрү эркектин буга чейин сот жоопкерчилигине тартылбагандыгын эске алып, аны бир жылга шарттуу эркинен ажыратты.

Тема боюнча

Юристанбек Шыгаевден 20 миң доллар талап кылган УКМК кызматкерине өкүм чыкты
Окуучу кыз менен жыныстык катнашка барган киши соттолду. Соттук өкүм
Белгилер:
өкүм, сот, кылмыш, Кыргызстан

ЭҢ МААНИЛҮҮ