23:23 02 Кулжа 2020
Түз эфир
  • USD73.5222
  • EUR82.1316
  • RUB1.0658
Коом
Кыскача шилтеме алуу
146 0 0

Кыргызстан менен Тажикстандын чек арасында 17-декабрдан бери пикир келишпестиктер болуп келет. 18-декабрда өткөн сүйлөшүүлөр учурунда ок атылып, таш ыргытылып, Кыргызстандын алты жараны жаракат алган.

БИШКЕК, 19-дек. — Sputnik. Ушул тапта кыргыз-тажик чек арасында абал туруктуу. Бул тууралуу Мамлекеттик чек ара кызматынан кабарлашты.

Укук коргоо органдары коомдук тартипти көзөмөлдөп, чек ара аймагында нөөмөттө турушат. Ал эми чек арачылар өздөрү күчөтүлгөн режимде иштеп жатат.

Өткөрүү пункттары кадимкидей иштөөдө.

Кыргыз-тажик чек арасындагы чыр

17-декабрда коңшу мамлекеттин жарандары делген адамдар Баткен облусунун Көк-Таш айылына бараткан жолдо, чек арага жакын жерден кыргызстандык кишини сабап кеткен. Жабыркаган адам Баткен облустук ооруканасына жеткирилип, медициналык жардам көрсөтүлгөн. Кийин эки мамлекеттин тийиштүү органдары чогулуп, көйгөйдү жөнгө салуу боюнча жолугушуу өткөрүп жаткан маалда тажик тараптагылар таш ыргытып, ок чыгарган. Анда алты киши жабыркаган. Саламаттык сактоо министрлигинин маалыматы боюнча, жабыркагандардын төртөө аскер адамдары болсо, экөө карапайым жаран. Бир жай жаран менен бир аскерге ок тийген. Калгандары башынан жаракат алып, мээлери чайкалган.

Тема боюнча

Чек ара кызматы менен ӨКМди түштүккө көчүрүү маселеси көтөрүлдү
Кыргыз-тажик чек арасындагы абал турукташты
Алты киши ооруканага түштү. Чек ара чатагында жаракат алгандардын абалы кандай?
Белгилер:
абал, чек ара, Тажикстан, Кыргызстан, Баткен

ЭҢ МААНИЛҮҮ