19:36 19 Бирдин айы 2020
Түз эфир
  • USD69.8489
  • EUR75.4648
  • RUB1.0967
Коом
Кыскача шилтеме алуу
272 0 0

Жеңилдетилген шартта турак жай алууга берилген квоталардын саны чектелүү, андыктан эртерээк документ тапшыруу шарт.

БИШКЕК, 19-дек. — Sputnik. Мамлекеттик ипотекалык компания (МИК) Бишкек жана Ош шаарларында "Жеткиликтүү ипотека" программасынын алкагында ипотекалык насыяны каржылоонун жаңыланган тизмесин түзүп жатат.

Мындай программа боюнча кардарлар 3 миллион сомго чейин насыя ала алат. Кутулуу мөөнөтү 15 жылга чейин. Баштапкы төлөм — сатып алына турган турак жай баасынын 20 пайызынан кем эмес болушу шарт. Насыянын жылдык үстөгү — 14 пайыз.

"Жеткиликтүү ипотека" долбооруна бюджеттик эмес мекемеде иштегендер, анын ичинде жеке ишкер жана фермерлер да катыша алат. Башкача айтканда, кыргызстандыктардын баары пайдаланса болот. Бирок квоталардын саны чектелүү, андыктан МИК эртерээк табыштама жиберүүнү эскертет. Ал үчүн керектүү документтерди Бишкек, Ош шаарларынын мэриясына жана райондук администрациясына тапшыруу зарыл.

"Жеткиликтүү ипотека" программасы менен турак жай алуу үчүн төмөндөгүдөй документтер талап кылынат:

  • Программага катышуу үчүн арыз;
  • Паспорттун көчүрмөсү (салыштыруу үчүн түп нуска);
  • Иш берүүчү тарап бекитип берген эмгек китепчесинин көчүрмөсү;
  • Никелешүү тууралуу күбөлүктүн көчүрмөсү;
  • Балдарынын туулгандыгы тууралуу күбөлүгү (салыштыруу үчүн түп нускасы);
  • Акыркы үч жылдын ичинде турак жайынын жоктугу тууралуу кыймылсыз мүлктү каттоо боюнча мамлекеттик органдын маалымкаты;
  • Жеке ишкер катары катталганы тууралуу күбөлүк же ишкердик менен алектенип салык төлөгөнү боюнча квитанция;
  • Жашаган жеринен маалымкат.

Толугураак маалыматты Мамлекеттик ипотекалык компания менен байланышып алууга болот.

Тема боюнча

Мамлекеттик кызматта иштебегендер кантип ипотека алат? Жаңы программа
Абжапарова: мамлекеттик кызматта иштебегендер да ипотека ала алат
Өкмөт үй-бүлөлүү адамдарга ипотека берүүнүн жаңы программасын иштеп чыкты
Белгилер:
турак-жай, Мамлекеттик ипотекалык компания, жаран, Бишкек, Ош

ЭҢ МААНИЛҮҮ