Айтматов атындагы жаштар сыйлыгын кимдер кайсы эмгеги үчүн алды. Тизме

БИШКЕК, 13-дек. — Sputnik. Быйыл негизделген Чыңгыз Айтматов атындагы Мамлекеттик жаштар сыйлыгы өз ээлерин тапты. Бул туурасында өкмөттүн маалымат кызматы билдирди.

Сыйлыктарды премьер-министр Мухаммедкалый Абылгазиев тапшырып, жаштар үчүн бул чоң сый-урмат жана аброй экенин белгиледи. Айтматовдун көзү тирүү болгондо 12-декабрда 91 жашка чыкмак.

Өкмөт башчы лауреаттар жана дипломанттар ар кандай тармактардан өзүнүн мыктылыгын көрсөткөн жаштар экенин билдирди.

"Чыңгыз Айтматов атындагы Мамлекеттик жаштар сыйлыгынын лауреаты" наамын алгандар:

• Акжол Доранбек уулу — адабият жаатындагы мыкты чыгарма;
• Уланбек Эгизбаев (көзү өткөндөн кийин) — журналистика жана телекөрсөтүү жаатындагы мыкты чыгарма;
• Арзымат Жороев — Ккөркөм искусствонун мыкты чыгармасы (живопись, скульптура, графика, декоративдик-колдонмо жана монументтик искусство);
• Ызат Исаков — шаар курулушу, архитектура менен дизайн жаатында ишке ашырылган мыкты долбоор;
• Дастан Жапар уулу — кино жаатындагы мыкты жетишкендик (сценарийлик, композитордук, режиссердук, операторлук жана актердук иштер);
• Адилет Токтогулов — илим жана жаңы технологиялар жаатындагы мыкты иш;
• Нурсултан Кубанов — экономика, бизнес менен меценаттык жаатындагы мыкты жетишкендик;
• Айсулуу Тыныбекова — спорт жаатындагы мыкты жетишкендик;
• Азамат Баялинов — жаштар саясатын өнүктүрүүгө кошкон өзгөчө салымы үчүн.
• Чыңгыз Айтматов атындагы Мамлекеттик жаштар сыйлыгынын дипломанты болгондор:
• Адилет Зарылбек уулу — адабият жаатындагы мыкты чыгарма;
• Гүлшан Таалайбекова — музыкалык искусстводогу мыкты чыгарма жана аткаруучулук чеберчилик;
• Тамила Маматова — көркөм искусствонун мыкты чыгармасы (живопись, скульптура, графика, декоративдик-колдонмо жана монументтик искусство);
• Атай Өмүрбеков — театр жана цирк искусствосунун мыкты чыгармасы;
• Байгелди Нурдинов — илим жана жаңы технологиялар жаатындагы мыкты иш;
• Нургүл Абдыкеримова — экономика, бизнес жана меценаттык жаатындагы мыкты жетишкендик;
• Дарья Маслова — спорт жаатындагы мыкты жетишкендик;
• Иззат Берхмаматов — жаштар саясатын өнүктүрүүгө кошкон өзгөчө салымы үчүн;