23:58 02 Кулжа 2020
Түз эфир
  • USD73.5222
  • EUR82.1316
  • RUB1.0658
Коом
Кыскача шилтеме алуу
Атамбаевдин Кой-Таштагы үйүндөгү атайын операция (176)
281 0 0

Шайназаров мурдагы президент Атамбаев Кой-Таштагы окуяларда өзүнүн кызыкчылыгын элдин жана мамлекеттин кызыкчылыгынан жогору койгонун айтты.

БИШКЕК, 12-дек. — Sputnik. 7-8-августта Кой-Таш айылында болгон окуяларды иликтеген мамлекеттик комиссия өз тыянагын чыгарды. Аны менен аталган комиссиянын башчысы, депутат Тынчтык Шайназаров тааныштырды.

Белгилей кетсек, бүгүн парламент Кой-Ташта болгон окуяларды иликтеген комиссиянын ишинин жыйынтыгын укту.

Шайназаров мурдагы президент Атамбаев Кой-Таштагы окуяларда өзүнүн кызыкчылыгын элдин жана мамлекеттин кызыкчылыгынан жогору койгонун белгиледи.

"Атамбаев президенттик ыйгарым укуктарын аткарган мезгилде атайылап жасаган кылмыштык иш аракеттери үчүн сөзсүз түрдө жаза аларын түшүнүп, өзүнүн жеке кызыкчылыгын элдин жана мамлекеттин кызыкчылыгынан жогору койгон. Жазык жоопкерчилигинен качуу максатында КР Конституциясын жана мыйзамдарын ачык түрдө тоготпой, мыйзамдуулук түшүнүктөрүн манипуляциялоо менен коомчулукту адаштырган. Ошондой эле жасалма түрдө региондор аралык карама-каршылыктарга шыкак берип, мамлекеттик бийликтин беделин түшүрүү үчүн коомдо нааразычылык бар экендиги жөнүндө жалган көз карашты түзгөн. Эл аралык колдоо алууга аракет кылуу менен өлкөдөгү бийликти күч менен басып алууну алдын ала даярдаган", — деди ал.

Комиссиянын төрагасы Атамбаев жарандарды бийликке каршы чыгаруу үчүн ар кандай иш-аракеттерди жасап, анын ичинде тарапташтарынын өмүрүнүн кыйылышына дагы бара турган провокацияларды уюштуруу менен укук коргоо органдарына куралдуу каршылык көрсөтүүнү пландаганын айтты.

"Массалык башаламандык, талап-тоноочулук менен коштолгон аракеттер аркылуу бийликти күч менен басып алуу пландалган. 7-8-августта Кой-Таш айылында болгон окуяларга карата жоопкерчилик бүт бойдон жана толугу менен Атамбаевде жана укук коргоо органдарынын кызматкерлеринин мыйзамдуу аракеттерине куралдуу каршылык көрсөтүүнү жана бийликти күч менен басып алууну пландаган анын тарапташтарында турат", — деди Шайназаров.

Ал ошондой эле Атамбаевди мажбурлап суракка алып келүү жана андан кийинки кармоо иштери боюнча УКМК жана ИИМдин иш-аракеттери кетирилген катачылыктарга жана кемчимликтерге карабастан мыйзамдарга ылайык болгонун кошумчалады.

Тема:
Атамбаевдин Кой-Таштагы үйүндөгү атайын операция (176)

Тема боюнча

ЖК комитети Кой-Таш окуясы боюнча иликтөөнүн корутундусун талкуусуз эле колдоду
Күч түзүмдөрү жоопко тартылабы? Кой-Таш окуясын иликтеген комиссиянын сунуштары
Белгилер:
Кой-Таш, комиссия, Жогорку Кеңеш, Тынчтык Шайназаров

ЭҢ МААНИЛҮҮ