18:33 21 Үчтүн айы 2020
Түз эфир
  • USD69.7000
  • EUR77.3008
  • RUB1.1268
Коом
Кыскача шилтеме алуу
172 0 0

Ушул тапта Кыргызстан боюнча 25 коммерциялык банк жана 587 кредиттик компания иштейт. Алардын көбү Бишкек шаарында иш алып барат.

БИШКЕК, 6-дек. — Sputnik. Ушул жылдын тогуз айында Кыргызстандагы банктар жана кредиттик компаниялар тарабынан дээрлик 106 миллиард сом насыя берилди. Бул туурасында маалыматты Улуттук статистика комитети жарыялады.

Анын ичинен 82 миллиардын банктар, 24 миллиард сомун кредиттик компаниялар камсыздаган.

Алынган насыялардын басымдуу бөлүгү соода чөйрөсүнө (кредиттердин жалпы көлөмүнүн 26,1 пайызы) жана айыл чарбасына (19,3 пайызы) жумшалды. Керектөө муктаждыктарына насыялар портфели 11,1 пайызды, ипотека 10,1 пайызды, курулуш 9,4 пайызды жана өнөр жай 8,2 пайызды түздү.

Аймактарга бөлүп айта турган болсок, эң көп насыя алгандар Бишкекте жашайт. Шаардыктар банктардын бардык насыяларынын 54 пайызын, кредиттик компаниялардын 27 пайызын алган. Ошондой эле активдүү зайымчылар Ош, Жалал-Абад, Чүй облустарында жана Ош шаарында.

Белгилей кетсек, ушул тапта Кыргызстан боюнча 25 коммерциялык банк жана 587 кредиттик компания иштейт.

Кыргызстандагы банктарга кимдер ээлик кыларын билгиңиз келсе Sputnik Кыргызстан даярдаган материалга көз жүгүртүп коюңуз.

Тема боюнча

Кыргызстандагы банктарга кимдер ээлик кылат. Кожоюндардын тизмеси
Кыргызстанда ишкер кыз-келиндерге атайын насыя берилет
Белгилер:
кардар, насыя, банк, Кыргызстан

ЭҢ МААНИЛҮҮ