БИШКЕК, 15-ноя. — Sputnik. Президент Сооронбай Жээнбеков Кыргыз Республикасынын жарандыгын берүү жана андан чыгаруу боюнча Жарлыктарга кол койгонун өлкө башчынын маалымат кызматы билдирди.
Ага ылайык, 976 адам КР жарандыгына кабыл алынды, анын 821и — чоң адамдар, ал эми 155и — балдар. Жарандык алгандардын көбү тарыхый мекенине кайтып келген этникалык кыргыздар.
Дагы бир Жарлык боюнча 929 адам жарандыктан чыгарылат. Анын 722си чоң адамдар болсо, 207си балдар экени айтылды.
Жалпы жонунан жарандык боюнча 1905 киши арыз менен кайрылган.
